Priljubljene svetopisemske vrstice iz Kuxh 2

Deli

Tabʼietz vet Jesuus u yol uvaʼ tal inqʼa nikich txhusun ibʼekʼbʼal inqʼa qumol s-tijaq imam Israeel, tul ech tal Jesuus s-te s-eche: —Jankʼalxh inqʼa xaol, uvaʼ bʼaʼn ikʼuul, tan yeʼl tzʼakvil nik isaʼon s-te. Pet taʼnxh inqʼa yaabʼ nik isaʼon tzʼakvil s-te. Echetz jit aʼ ulk in tiʼ inqʼa xaol, inqʼa yeʼl ipaʼv s-vatz. Pet aʼ ulk in tiʼ itxhokox inqʼa aj paʼvom, —xeʼt Jesuus.{*}

Tiletz vet Jesuus uvaʼ kʼuqlichxh ikʼuul inqʼa vinaq tiʼ ibʼant Jesuus bʼaʼn u yaabʼ, tul ech tal Jesuus te u yaabʼ, uvaʼ tzeʼuʼxich kuxh itxhiʼoʼl, s-eche: —Txa, qat inkuy sotzsal vet inqʼa apaʼv, —xeʼt Jesuus.

Pet toq val sete tiʼ u xeem qʼij saavado. Tan aqʼax ka u xeem qʼij s-tilanbʼal inqʼa xaol. Poro jit aʼ talax u xeem qʼij uvaʼ iqatz koq te inqʼa xaol.

Tiletz vet inqʼa vinaq uvaʼ yeʼ laʼich utxh vet ipaloʼk kʼatz Jesuus tuchʼ u yaabʼ taʼn u mam tenam, tul aʼl ijaqaq vet iviʼ u otzotz talxh uvaʼ atich Jesuus. Maʼtichetz ijaqp bʼiil viviʼ u otzotz, tul taqʼaq vet koʼp u yaabʼ viʼ txʼatxh tzeʼ vatz Jesuus, u yaabʼ uvaʼ tzeʼuʼxich kuxh itxhiʼoʼl.

Pet toq inkʼutxh sevatz uvaʼ at viqleʼm taʼn quBʼaal Tiuxh tiʼ ikuy sotzsal vipaʼv inqʼa xaol tzitza vatz u txʼavaʼ, in, u Kʼaola uvaʼ qat bʼen s-alam aanima, —xeʼt Jesuus. Tul ech tal Jesuus te u vinaq, uvaʼ tzeʼuʼxich kuxh itxhiʼoʼl taʼn yaabʼil, s-eche: —Toq val see: Lakpen. Tul iqʼo vatxʼatxh tzeʼ. Tul quxh tavotzotz, —xeʼt Jesuus.

Atz ¿jabʼisteetz uvaʼ yeʼ laʼ oleʼv in s-tiʼ nik etitzʼa? ¿Maq tiʼ uvaʼ?: «Qat inkuy sotzsal inqʼa apaʼv.» Atz ¿maq tiʼ uvaʼ?: «Lakpen. Tul eeqʼo vatxʼatxh tzeʼ. Tul quxh tavotzotz,» chaq in te u yaabʼ.

Taʼnetz kuxh tal Jesuus u yol uvaʼe, tul lakp vet u vinaq. Atz yekich tiqʼo vet vitxʼatxh tzeʼ. Tul ech ivatz jankʼal inqʼa xaol, bʼen veteʼ. Tul kaayichxh vet taanima inqʼa xaol. Atz motx toksa vet iqʼij quBʼaal Tiuxh. Tan ech motx tal vet s-eche: —¡Yeʼtix qil ibʼanax invaʼq kam s-eche! —xeʼtaq veteʼ.