Priljubljene svetopisemske vrstice iz मर्कूस 7

Deli

किनभने सबै किसिमका खराब विचारहरू मनभित्रैबाट निस्‍केर आउँछन् र उसलाई खराब कामतिर लैजान्‍छन्, जस्‍तै: व्‍यभिचार गर्ने, चोर्ने, मान्‍छे मार्ने, वेश्‍यागमन गर्ने, लोभ गर्ने, दुष्‍ट काम गर्ने, ठग्‍ने, छाडा हुने, डाह गर्ने, निन्‍दा गर्ने, घमण्‍डी हुने र मूर्ख काम गर्ने। यी सबै खराब कुराहरू मानिसको मनबाट नै निस्‍कन्‍छन् र यही कुराहरूले नै उसलाई अशुद्ध पार्छन्।”

बाहिरबाट मानिसभित्र पस्‍ने कुनै पनि कुराले मानिसलाई अशुद्ध पार्न सक्‍दैन। तर मनबाट बाहिर निस्‍कने कुराले पो मानिसलाई अशुद्ध पार्छ।

येशूले तिनीहरूलाई भन्‍नुभयो, “यशैया अगमवक्ताले लेखेका यो कुरा तिमी कपटीहरूलाई ठ्याक्‍कै मिल्‍छ– ‘मुखले भने यी मानिसहरूले मलाई खुब आदर गर्छन्, तर तिनीहरूको मनचाहिँ मदेखि धेरै टाढा छ।

तिनीहरूले मलाई पुजेको त व्‍यर्थै छ किनभने तिनीहरूले खालि मानिसले बनाएका नियमहरू मात्र सिकाउँछन्,’

साँच्‍चै तिमीहरूले परमेश्‍वरका धार्मिक आज्ञालाई पन्‍छ्याएर मानिसहरूको रीतिथिति पो मान्‍छौ।”