Priljubljene svetopisemske vrstice iz मर्कूस 13

Deli

मेरै कारणले गर्दा तिमीहरूलाई सबैले घृणा गर्नेछन्। तर आखिरसम्‍म स्‍थिर रहनेहरूचाहिँ बचाइनेछन्।

त्‍यसैले चनाखो भएर जागै बस किनभने त्‍यो समय कहिले आउने हो, तिमीहरूलाई थाहा हुँदैन।

तिनीहरूले तिमीहरूलाई पक्रेर लैजाँदा के भन्‍ने हो भनेर पहिले नै सुर्ता नगर। तिनीहरूको अगाडि उभिएको बेलामा तिमीहरूले जे पाउनेछौ, त्‍यही भन किनभने त्‍यति बेला तिमीहरूले आफ्‍नै तर्फबाट बोल्‍नेछैनौ तर पवित्र आत्‍माले नै तिमीहरूद्वारा बोल्‍नुहुनेछ।

आकाश र पृथ्‍वी नै बितेर जानेछन्, तर मैले भनेका कुरा बित्‍नेछैनन्।

“त्‍यो दिन र बेला कहिले आइपुग्‍ने हो, त्‍यो ठीकसँग कसैलाई पनि थाहा छैन। स्‍वर्गदूतहरू र म पुत्रलाई समेत थाहा छैन। त्‍यो कुराचाहिँ परमेश्‍वर पितालाई मात्र थाहा छ।

तिमीहरूले लडाइँहरू भएको र लडाइँका हल्‍लाहरू सुन्‍नेछौ। तर त्‍यस बेला नडराउनू। ती सबै कुराहरू त हुन आउनु नै पर्छ, तर त्‍यति नै खेर त संसारको अन्‍त हुँदैन।

त्‍यसकारण चनाखो भएर बस किनभने मालिक कुन बेला फर्की आउने हो, तिमीहरूलाई थाहा हुँदैन। ऊ त साँझमा, आधारातमा, भाले बास्‍ने बेलामा या बिहानीपख, कुनै पनि बेला आइपुग्‍न सक्‍छ अनि अचानक आइपुग्‍दा उसले तिमीहरूलाई सुतिरहेको नभेट्टाओस्! तिमीहरूलाई भनेजस्‍तै मैले सबैलाई नै भनेको हुँ, चनाखो भएर बस!”

जाति-जातिको बीचमा लडाइँ चल्‍नेछ। एउटा राज्‍यले अर्को राज्‍यमाथि हमला गर्नेछ। जताततै भूइँचालो जानेछ र अनिकाल पर्नेछ। यी कुरा त दु:खको सुरु मात्र हो।

अन्‍त हुनुअघि सबै जातिका मानिसहरूलाई सुसमाचार सुनाइसकेको हुनु नै पर्छ।

धेरै मानिसहरू मेरो नाउँमा ‘मुक्ति दिने मै हुँ’ भन्‍दै आउनेछन् अनि धेरै मानिसहरूलाई छकाउनेछन्।

“तिमीहरूचाहिँ होशियार भएर बस किनभने मानिसहरूले तिमीहरूलाई पक्रेर अड्डा-अदालतमा पुर्‍याउनेछन् अनि सभाघरहरूमा लगेर कोर्रा लाउनेछन्। तिमीहरू मेरै कारणले बडा-हाकिम र राजाहरूकाअगाडि समेत उभ्‍याइनेछौ। तिमीहरूले तिनीहरूलाई मेरो बारेमा साक्षी दिनुपर्नेछ।

किनभने त्‍यस्‍ता नकली ख्रीष्‍ट र नकली अगमवक्ताहरू देखा त पर्नेछन्। तिनीहरूले ठूला-ठूला चिन्‍ह र अचम्‍मका कामहरू देखाएर सकेसम्‍म परमेश्‍वरले छानेकाहरूलाई पनि झुक्‍याउनेछन्।

“ती आपत्‌का दिनहरू बितेपछि घाम अँध्‍यारो हुनेछ र जूनले उज्‍यालो दिनेछैन। ताराहरू आकाशबाट खस्‍नेछन् अनि आकाशमण्‍डलका सबै शक्तिहरू डग्मगाउनेछन्।