Priljubljene svetopisemske vrstice iz उत्‍पत्ति 39

Deli

परमप्रभु योसेफसँग हुनुहुन्‍थ्‍यो र त्‍यहाँ उनलाई फलिफाप भयो। उनी आफ्‍ना मिश्री मालिकको घरमा बस्‍थे।

आफूसँग भएका सबै थोक पोतीफरले योसेफलाई जिम्‍मा लाइदिए र आफूले खाने भोजनबाहेक अरू कुनै कुराको वास्‍ता राख्‍दैनथे। योसेफ लायकको र हेर्नमा सुन्‍दर थिए।

तिनले योसेफलाई अरू जम्‍मै कैदीहरूमाथि नायक खटाए र झ्‍यालखानमा हुने सबै काम उनको जिम्‍मा लाइदिए।

योसेफलाई पक्रेर तिनले राजाका कैदीहरू थुन्‍ने झ्‍यालखानमा हालिदिए। योसेफ झ्‍यालखानमा थुनुवा भएर बसे। तर परमप्रभु योसेफसँग हुनुहुन्‍थ्‍यो। उहाँले तिनलाई आशिष् दिनुभयो र झ्‍यालखानको अधिकृत उनीसित प्रसन्‍न भए।

केही समयपछि मालिककी स्‍वास्‍नीले उनलाई मन पराउन लागिन् र आफूसित सुत्‍न बोलाइन्। उनी मानेनन् र भने, “हेर्नुहोस्, म यहाँ भएकोले मालिकले घरको केही कुराको फिक्री गर्नुहुन्‍न। आफ्‍नो सबै थोक उहाँले मेरै जिम्‍मामा दिनुभएको छ। यस घरमा मालिकको बराबर मेरो अधिकार छ। तपाईंबाहेक अरू सबै थोक उहाँले मलाई दिनुभएको छ। यस्‍तो दुष्‍ट काम गरेर म कसरी परमेश्‍वरको विरुद्धमा पाप गर्न सक्‍छु?”

तर एक दिन योसेफ आफ्‍नो काम गर्न घरभित्र पसेको बेलामा त्‍यहाँ घरको अरू चाकर कोही थिएन। तिनले योसेफको लुगा समातेर भनिन्, “मसँग सुत्‍न आऊ।” तर उनी फुत्‍केर घरबाट भागे। उनको लुगा मालिक्‍नीकै हातमा थियो।