Priljubljene svetopisemske vrstice iz प्रस्‍थान 2

Deli

परमेश्‍वरले तिनीहरूको विलाप सुन्‍नुभयो र आफूले अब्राहाम, इसहाक र याकूबसँग गर्नुभएका करारलाई सम्‍झनुभयो। उहाँले इस्राएलीहरूलाई हेर्नुभयो र तिनीहरूको निम्‍ति फिक्री गर्नुभयो।

धेरै वर्षपछि मिश्रका राजा मरे तर इस्राएलीहरू कमारा काममा पेलिएर अझै कराइरहेका थिए र सहायताको निम्‍ति पुकार गर्न लागे। तिनीहरूको पुकार परमेश्‍वरकहाँ पुग्‍यो।

बालक निकै हुर्केपछि तिनले राजकुमारीकहाँ पुर्‍याइन्। राजकुमारीले बालकलाई आफ्‍नै छोरो बनाई काखमा लिइन्। उनले भनिन्, “मैले यसलाई पानीबाट निकालें र म यसको नाम मोशा राख्‍दछु।”

राजकुमारीले त्‍यस स्‍त्रीलाई भनिन्, “यो बालकलाई लगेर मेरो निम्‍ति दूध खुवाऊ अनि यसको स्‍याहारसुसार गर। म तिमीलाई ज्‍याला दिनेछु।” तिनले बालकलाई लगेर हुर्काइन्।

यसै बीचमा नदीमा नुहाउन राजाकी छोरी आइन्। उनका सुसारेहरू नदीको किनारमा टहलिन लागे। अचानक राजकुमारीले घाँस-पातका बीचका टोकरी देखिन् र एउटी दासीलाई त्‍यो लिन पठाइन्।

मोशा ठूलो भएपछि आफ्‍ना भाइ-बन्‍धु इस्राएलीहरूकहाँ गए र त्‍यहाँ तिनीहरूले दु:ख गरेर धेरै काम गरेको देखे। त्‍यहाँ मोशाले आफ्‍नै एक जना इस्राएली भाइलाई एउटा मिश्रीले कुटिरहेको देखे। मोशाले चारैपट्टि हेरे, उनलाई कसैले हेरेको थिएन। त्‍यस मिश्रीलाई मारेर त्‍यसको लाश उनले बालुवामा पुरिदिए।