Priljubljene svetopisemske vrstice iz Lucas 6

Deli

Chje̱héra íso chojni ti nkehe ticháxi̱hin sin ndá Díos tso̱tjáhara ti nkehe jína. Tjetóxin tsotjáhara Díos la ícha tsꞌe̱nka̱ chꞌan íso tsꞌótsjéyehe chꞌan la hasta tsꞌixikꞌitjijin ti nkehe tsjajon chꞌan. Díos tso̱tjáhara chꞌan éxi ti nkehe tsíchje̱héra íso chojni.

*Ijnko chojni jína la jína nixja kixin jína ti a̱sén. A̱ndá ijnko chojni jínahña la nixja ti nkehe jínahña kixin ti jínahña mé tjinká ti a̱sén kixin éxi tjenka̱yáxin a̱sén chojni mé xi̱kaha nixja ti irꞌua sin.

Méxra̱ jahara chrótjue̱héra ti sin nínkakohanra la ko jína chrókjui̱chꞌehéra sin la ko chrókjui̱nchekjenra sin chichaon la chróchoénhñara kixin chrókꞌokjan sin a̱ntsí. Ndá ti xi̱kaha si̱chꞌera la imá tsjachara la ko tsꞌónara xje̱en Díos nkaya nka̱jní kixin Díos la jína, kjónté ti sin chóntehya kjuasàya ti jehe chꞌan la ko ti sin jínahña.

Chrokui̱konoéhéra kichuara éxi ti Itꞌára itjen nkaya nka̱jní la ti̱konoéhe̱ chꞌan chojni.

’Chrokꞌuekahyara ijie̱ ókjé chojni ndá Díos chrókjuanchahyara chꞌan ijie̱. Chrokuétua̱nhñara kixin chrókjuasóte íjnko chojni ndá Díos chrókjuinchekjasótiahyara. Chrokꞌuitjáñahanra ichrén ijie̱ kjuásihanra íjnko chojni ndá Díos chrókjuinchekꞌitjáñehe chꞌan ti ijie̱ kjuásinra.

’A̱ndá jahara tjejotihínra mé ndáxrja̱n kixin chrótjue̱héra ti sin nínkakohanra la ko jína chrókjuínki̱tsara ti sin tjinkakonhña ti jahara. Jína nixjehéra ti sin tꞌándaxíhanra la ko tjanchehéra Díos sincheñao chꞌan ti sin chónkíhara.

*Méxra̱ tjáko̱xinra sa̱ora, ti nkehe tjinkáonra tsja̱ko̱xi̱n chojni ti jahara.

Ti ijnko nkexro tsochjéhe jnko tua̱anra, la chrókjókara ti íjnko kja̱xin. Ti nkojín nkexro tjinkaon tsakítsjahara ti ika tꞌitsa̱tera la tito̱hé sátsjiko sin camisára kja̱xin. Ti nkojín nkexro tjanchahára nkehe la chje̱héra sin. A̱ndá ti tsakítsjahara sin jnko nkehe kuèntára, la tjanchehyara sin kixin tsꞌókjan sin.

’Kohya inta jína chrókꞌóna ito jínahña, la ko kja̱xin kohya inta jínahña chrókꞌóna ito jína.

*Kixin nkojnko inta mé tjatso̱anxíni ti ito tꞌóna. Ti ntachꞌi̱ la xitjahya tsꞌóna ito higo la ko xitjahya tsꞌóna to uva.