Priljubljene svetopisemske vrstice iz San Juan 17

Deli

Nchetjuáxian sin ti kjuachaxin kuèntá kixin ti itán mé ti itan chaxín ndoá.

Ti kjuachón nkochríxín mé tꞌaxrjexín kixin tsochóxin sin ti jaha, ti nkoko̱a Díos tjechón, la ko Jesucristo, ti nkexro ichrꞌán ikui chjasintajni.

’Xrja̱noáha kixin jehya jehó sin chrókjuinki̱tsa sin. Náhí. Kja̱xin xrja̱noáhá kixin chrókjuinki̱tsa kaín ti sin tsitekaon chrꞌéxi̱n, ti ó tsihin sin ti nkehe tsochronka ti sin a. Xrja̱noáha kixin kaín sin nkoko̱a chrókꞌuejó sin éxi jaha Itꞌéni la ko janhan nkoko̱a tjejóni, mé xi̱kaha xrja̱noáhá kixin kaín sin nkoko̱a chrókꞌuejókoni sin. A̱ndá xi̱kaha ti chojni chjasintajni chrókuitekaon sin kixin jaha ichrꞌán ti janhan kꞌuinka.

Tjáncháhya kixin chrókuakítsjexian sin chjasintajni. Náhí. Tjáncháha kixin chrókꞌuayakohén sin kixin ti Jínahña la chrókjuachahya chrókjuichꞌiyehe ti jehe sin.

Ti kjuachaxin ijié kjuánjua la tja̱ha̱ sin kixin ndá kaín sin nkoko̱a chrókꞌuejó sin éxi jaha la ko janhan nkoko̱a tjejóni. Janhan la ko jehe sin nkoko̱a chrókjuakꞌeki̱a̱n sin éxi jaha la ko janhan nkoko̱a tjejóni. Mé xi̱kaha ti chojni chjasintajni la chrókónohe sin kixin jaha ichrꞌán ti janhan kꞌuinka, la ko kja̱xin chrókónohe sin kixin tjue̱hé ti jehe sin éxi tju̱eéxian ti janhan.