Priljubljene svetopisemske vrstice iz San Lucas 8

Deli

Pero on xinanchtli yejuan oxin ipan on kuajli tlajli, kijtosneki inyojlo on tlakamej yejuan ikan kuajli inyojlo melauak kuelkakij itlajtol Dios niman kiseliaj niman kixikouaj nochi on tetlatlatalistli. Yejuamej kipiyaj kuajli intlakijlo.

On xinanchtli yejuan oxin itsajlan on uitskojtin, kijtosneki on yejuan kakij itlajtol Dios, pero xueli tlaki pampa sa komatstokej kenijki nopanoltiskej niman sanoyej* kinekij notomintiskej niman pakiskej ipan innemilis.

On tepetlayoj yejuan seki xinachtli ipan oxin, kijtosneki inyojlo on tlakamej yejuan kakij itlajtol Dios niman kiseliaj ikan paktli. Pero tlaneltokaj san keski tonajli, pampa on itlajtol Dios xnoneluayotia uejkatlan ipan inyojlo. Yejua ika ijkuak kintlatlata on tlen xkuajli, noxelouaj itech on tlaneltoktli.

Kemaj okinmijlij on inomachtijkauan*: —¿Kanon nenkipiyaj nemotlaneltok? Pero yejuamej sanoyej onomojtijkej, niman otlatlachixkej, niman kinotlajtoltiayaj: —¿Manin akin tlakatl in ika ueli kimandaroua on ajakatl niman on atl, niman kitlakamatij?

On ojtli yejuan ipan oxinito keski xinachtli kijtosneki inyojlo on tlakamej yejuan kakij itlajtol Dios. Pero uajlau on diablo* niman kejkuania ipan inyojlo itlajtol Dios para maka ma kineltokakan niman maka ma nomakixtikan.

Xitlaj* onkaj yejuan iyantikaj niman ijki nokaua, yej nochi machiya. Niman xitlaj* ichtaka* onkaj yejuan xakaj kimatis, yej nochi nopanextis.

Ijkuak on siuatl okitak ika yokimatkej ika yejua okimatokak, ikan ikuekuetlakalis ouajlaj niman onotlakuantelkets ikxitlan Jesús. Kemaj yejua okijlij imixpan nochimej on tlakamej tline okimatokak itlaken, niman ika nimantsin opajtik. Kemaj Jesús okijlij: —Nokoneu, otipajtik pampa otitlaneltokak. Xuiya ikan yolseuilistli.

Kemaj on nomachtijkej* okitlachaltitoj Jesús, niman okijlijkej: —¡Temachtijketl! ¡Temachtijketl! ¡Ye tiapolaktokej! Kemaj Jesús onokuiteu niman okajuak on ajakatl niman on atl yejuan najkokuiya. Kemaj, nimantsin nochi onoteltij niman nochi kuajli onokau.