Priljubljene svetopisemske vrstice iz San Mateo 26

Deli

Rekoñoã re'oja'che cho'oñu chiime mʉsanʉkona; jã'ata'ni re'oja'che cho'ovesʉme. Jã'ajekʉna kãima'ñe Dioni sẽejʉ pa'ijʉ̃'ʉ, Ũcuaʉji cho'okaiʉna cu'ache cho'omaneñu chini —chiniasomʉ Jesús repanare.

Jã'aja'ñe oiʉ repanare ija'che i'kaasomʉ repaʉ: —Chʉ'ʉ rekocho jũ'iʉache rʉa sʉma'mʉ chʉ'ʉre. Mʉsanʉkona ichejana canʉka kãima'ñe chʉ'ʉna'me pa'ijʉ̃'ʉ —chiniasomʉ.

Chini te'eʉ jmachenerʉ sani ro're ñu'iʉ meñe sime chejana chia tĩ'iʉ Dioni ija'che sẽniasomʉ repaʉ: —Ja'kʉ, mʉ'ʉre ʉ̃seʉato pãi chʉ'ʉre cu'ache cho'opi'rache ʉ̃sekaijʉ̃'ʉ. Jã'ata'ni chʉ'ʉ chiicheta'ni cho'omanejʉ̃'ʉ. Ʉ̃seʉama'to mʉ'ʉre ʉache cho'ojʉ̃'ʉ —chiniasomʉ.

Chini conoro'rova mini Dioni, “Re'orepamʉ”, chini chʉkʉnani repaʉ neenani ĩsikʉ ija'che i'kasi'kʉa'mʉ: —Ie ʉche cono chʉ'ʉ chiea'me. Mʉsanʉkona ũcuanʉko ũkujʉ̃'ʉ iro'rova. Pãi ũcuanʉko cu'ache cho'oche'te jũni ro'ikasa chini chuenisõja'mʉ chʉ'ʉ. Jã'aja'ñe cho'oche chʉ'ʉ chiepi menisõʉna Dios mamare, “Ija'che cho'oñu”, chiisi'ere cho'okʉ mʉsanʉkona cu'ache cho'oche tʉnosõ jo'e cuasama'ñere cuasajʉ chi'i iere ʉche conore ũkujʉ pa'ijʉ̃'ʉ.

Chuta'a ãu ãiʉ ñu'ikʉji Jesús pãpʉ mini Diore, “Re'orepamʉ”, chini chʉkʉnani repaʉ neenani tʉ'se ĩsikʉ ija'che i'kasi'kʉa'mʉ: —Ie pã chʉ'ʉ ca'nivʉ'me. Ãijʉ̃'ʉ —chiisi'kʉa'mʉ repaʉ chʉkʉna'te.

Chini conoro'rova mini Dioni, “Re'orepamʉ”, chini chʉkʉnani repaʉ neenani ĩsikʉ ija'che i'kasi'kʉa'mʉ: —Ie ʉche cono chʉ'ʉ chiea'me. Mʉsanʉkona ũcuanʉko ũkujʉ̃'ʉ iro'rova. Pãi ũcuanʉko cu'ache cho'oche'te jũni ro'ikasa chini chuenisõja'mʉ chʉ'ʉ. Jã'aja'ñe cho'oche chʉ'ʉ chiepi menisõʉna Dios mamare, “Ija'che cho'oñu”, chiisi'ere cho'okʉ mʉsanʉkona cu'ache cho'oche tʉnosõ jo'e cuasama'ñere cuasajʉ chi'i iere ʉche conore ũkujʉ pa'ijʉ̃'ʉ.

Jã'aja'ñe i'kacuha vʉni, repaʉ neena pa'ichejana co'i ñato kãni ũhijʉ paniasome repana. Kãnisõrena Pedroni i'kaasomʉ repaʉ. —¿Mʉsanʉkonare te'ehorajẽ'e kãima'ñe chʉ'ʉna'me pẽ'jecu'aʉ?

Jã'ata'ni mʉsanʉkonare ija'che i'kamʉ chʉ'ʉ: Chʉ'ʉ pãi ũcuanʉkore chʉ̃'ʉrʉmʉjatʉ'ka ʉche cono jo'e ũkumaneja'mʉ chʉ'ʉ —chiisi'kʉa'mʉ repaʉ chʉkʉna'te.

Chu'iʉna Pedro, repaʉ'te Jesús i'kasi'ere cuasaasomʉ, “Chuta'a kura chu'ima'tona choteñoã jachakʉ, ‘Jesure ñama'kʉa'mʉ chʉ'ʉ’, chiija'mʉ mʉ'ʉ”, chiisi'ere. Jã'are cuasa Pedro repacheja pa'isi'kʉ eta rʉa oiche oniasomʉ.

¡Jʉna, vʉijʉ̃'ʉ; sañu! Chʉ'ʉni cu'ache cho'oa'jʉ chini chekʉnare jo'kajaʉ ranicuhamʉ —chiniasomʉ Jesús repanare.

Tẽoʉna Jesús i'kasi'kʉa'mʉ. —Mʉ'ʉ va'ti mañajʉ̃'ʉ. Pãi ũcuanʉko va'jñapi cavajʉ chekʉnare vanisõna, va'jñana chuenisõjanaa'me.