Priljubljene svetopisemske vrstice iz Máciya 28

Deli

Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu. Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Bale amalakaawu li aan kanaalaabuku: — Sákoluul, mata li haase een Yéesu an kubaaŋumuu li ekuluwaayi jiŋese li akila. Alet taate. Layitowuuyitowul li eketayi loon alob momuu. Jibil jijuk tan kuhintenoolumuu.

Muñeˈe Yéesu li aaniil: — Sákoluul! Jijow joon kutuyom kujow boot li etaamayi yata Gálile. Bo kommuu li kujukom.

Huhaanaahu hata élambaayi li hujoj li kunahaanaku kata ésukayi. Li kujamoo min kusen kusollaaliyaku sídalam sáamak. Nan kuseniilumuu sídalamasu kuban li kooniil: — Fan joon ésukayi kúgoomaku kata Yéesu kubiibil li huk kúkuwet ehuluŋayi yoola bukuluul li kámooli. Li bil nokoo loon águubelunaalawu Filat ajame mabajumuu, áloli fan jihaas min jommuu li jilobool jakum bil ayokenuul. Mal̥egen kusollaaliyaku li kuŋa’ sídalamasu ban li kukaan loon kulobiilumuu. Mó lí múji wahawu wan kusollaaliyaku kulobumuu ésukayi li uloŋ li ujamo li Kusuwifaku boot síyaat.