Priljubljene svetopisemske vrstice iz Chivkeeb 3

Deli

Tus pojniam pom tias tsob ntoo ntawd zoonkauj thiab tej txiv ntxim qab kawg li, thiab nws xav tias tej txivntoo ntawd tseem yuav ua rau nws ntse ntxiv thiab. Ces nws txawm mus de ib co los noj thiab nws kuj muab rau nws tus txiv uas nrog nws nyob ntawd noj thiab.

Nab yog tus tsiaj uas ntse tshaj txhua yam tsiaj qus uas tus TSWV uas yog Vajtswv tau tsim los. Nab thiaj nug tus pojniam hais tias, “Vajtswv yeej txwv kom neb tsis txhob noj txhua yam txivntoo uas nyob hauv lub vaj no tiag lov?”

Kuv yuav ua kom koj thiab tus pojniam no sibntxub; koj cajces thiab nws cajces yuav ua yeebncuab mus li. Nws tus xeebntxwv yuav tsoo koj taubhau kom ntsoog, thiab koj yuav tom tus xeebntxwv ntawd lub lujtaws.”

Vajtswv hais rau tus pojniam tias, “Kuv yuav tsub teebmeem ntau heev rau koj thaum koj suab menyuam thiab thaum koj yug menyuam yuav mob koj heev. Txawm li ntawd los koj txoj kev ntshaw yeej tseem yog rau koj tus txiv, thiab nws yuav ua tus tswjhwm koj.”

Koj yuav siv zog khwv txog lub hws nrog mas koj thiaj muaj noj muaj haus mus txog thaum koj rov mus rau hauv cov av uas siv los puab koj. Koj yog tsim los ntawm av, ces koj yuav tau rov mus ua av.”

Vajtswv hais rau Adas hais tias, “Vim koj mloog koj tus pojniam lus thiab noj co txiv ntawm tsob ntoo uas Kuv tau xaaj tsis pub koj noj. Vim koj tau ua li ntawd av thiaj raug foom phem. Koj yuav tau siv zog khwv mus tag simneej mas koj thiaj yuav muaj noj muaj haus.

Vajtswv nug hais tias, “Leejtwg hais rau koj tias koj liabqab? Puas yog koj noj tsob txivntoo uas Kuv xaaj tsis pub koj noj ntawd lawm?”

Thaum Vajtswv muab nws ntiab tawm lawm, Vajtswv tso ib co khelunpees thiab muaj ib rab ntaj nplaimtaws uas tig tau rau txhua phab los zov lub Vaj Edees sab hnubtuaj, tsis pub leejtwg mus tau ze rau ntawm tsob txivntoo uas ua rau muaj txojsia.

Adas tis nws tus pojniam npe hu ua Evas, rauqhov nws yog txhua tsav tibneeg leejniam.