Priljubljene svetopisemske vrstice iz Y-Luk 7

Deli

Kyuanăn Kâo hưn kơ ih, klei soh gơ̆ lu mâo klei pap brei leh, kyuanăn gơ̆ khăp lu. Ƀiădah pô mâo klei pap ƀiă khăp ƀiă.” Leh anăn Ñu lač kơ mniê anăn, “Klei soh ih mâo klei pap brei leh.”

Yêsu lač kơ mniê anăn, “Klei ih đăo bi mtlaih ih leh. Nao bĕ êđăp ênang.”

Gơ̆ dôk dơ̆ng ti tluôn giăm jơ̆ng Yêsu. Gơ̆ dơ̆ng bi msah jơ̆ng Yêsu hŏng êa ală gơ̆, leh anăn sut jơ̆ng Yêsu hŏng ƀŭk gơ̆, čŭm leh anăn mia jơ̆ng Yêsu hŏng êa ƀâo mngưi anăn.

Kyuanăn kâo mĭn kâo pô kăn năng rei nao kơ Ih. Ƀiădah brei Ih mtă sa boh, leh anăn dĭng buăl kâo srăng hlao. Kyuadah kâo msĕ mơh jing sa čô dôk ti gŭ klei dưi arăng, leh anăn mâo phung kahan dôk ti gŭ klei dưi kâo. Kâo lač kơ sa čô, ‘Nao bĕ,’ leh anăn ñu nao; kơ sa čô mkăn, ‘Hriê bĕ,’ leh anăn ñu hriê; leh anăn kơ dĭng buăl kâo, ‘Ngă snei,’ leh anăn ñu ngă yơh.” Tơdah Yêsu hmư̆ klei anăn, Ñu bi kngăr kơ khua kahan anăn, leh anăn wir dlăng leh anăn lač kơ phung lu tui hlue Ñu, “Kâo hưn kơ diih, wăt hlăm čar Israel Kâo amâo tuôm ƀuh ôh klei đăo prŏng msĕ snăn.”

Mông anăn Yêsu bi hlao lu mnuih ruă, duam, mnuih yang jhat ngă, leh anăn Ñu brei lu mnuih bum ală lŏ dưi ƀuh mngač. Ñu lŏ wĭt lač kơ digơ̆, “Nao hưn bĕ kơ Y-Yôhan ya klei diih ƀuh leh anăn hmư̆ leh: phung bum ală lŏ dưi ƀuh mngač, phung đŭt jơ̆ng thâo êbat, phung djŏ phŭng lŏ jing doh, phung kngăl lŏ dưi hmư̆, phung djiê lŏ hdĭp, leh anăn phung ƀun ƀin dưi hmư̆ klei mrâo mrang jăk.