Priljubljene svetopisemske vrstice iz Y-Yôhan 15

Deli

Kâo jing ana boh kriăk ƀâo, diih jing adhan. Hlei pô dôk hlăm Kâo leh anăn Kâo dôk hlăm ñu, ñu anăn srăng mboh lu. Kyuadah tơdah amâo mâo Kâo, diih amâo dưi ngă sa klei ôh.

Dôk bĕ hlăm Kâo, leh anăn Kâo dôk hlăm diih. Msĕ si adhan amâo dưi mboh hjăn ñu pô ôh, knŏng tơdah ñu dôk đuôm hŏng ana, msĕ snăn mơh kăn diih dưi mboh rei, knŏng tơdah diih dôk hlăm Kâo.

Tơdah diih dôk hlăm Kâo, leh anăn klei Kâo blŭ dôk hlăm diih, akâo bĕ ya klei diih čiăng, leh anăn arăng srăng ngă brei kơ diih.

Diih amâo tuôm ruah Kâo ôh, ƀiădah Kâo ruah leh diih leh anăn pioh brei diih čiăng kơ diih nao leh anăn mboh, leh anăn brei boh diih ăt dôk; čiăng kơ ya klei diih akâo kơ Ama hlăm anăn Kâo, Ñu dưi brei klei anăn kơ diih.

Amâo mâo pô dưi mâo klei khăp prŏng hĭn kơ anei: klei sa čô mnuih djiê kyua phung mah jiăng ñu.

Grăp adhan hlăm Kâo amâo mboh ôh, Ñu mă khăt hĕ, leh anăn grăp adhan mboh, Ñu lŏ mkra khăt, čiăng kơ gơ̆ dưi mboh lu hĭn.

Anei jing klei Kâo mtă: Brei diih bi khăp hdơ̆ng diih msĕ si Kâo khăp leh kơ diih.

Kyuadah hlăm klei anei Ama Kâo mâo klei guh kơang: tơdah diih mboh lu, snăn diih jing phung ƀĭng kna Kâo.

Kâo jing ana boh kriăk ƀâo sĭt, leh anăn Ama Kâo jing pô pla.

Tơdah sa čô mnuih amâo dôk hlăm Kâo ôh, Aê Diê hwiê ñu ti tač msĕ si arăng hwiê sa ƀĕ adhan, leh anăn ñu krô. Arăng bi kƀĭn adhan anăn leh anăn hwiê hlăm pui brei pui ƀơ̆ng jih.

Jih klei anăn Kâo lač leh kơ diih, čiăng kơ klei mơak Kâo dưi dôk hlăm diih, leh anăn čiăng kơ klei mơak diih dưi jing klă ênŭm.

Tơdah diih djă pioh klei Kâo mtă, diih srăng dôk hlăm klei Kâo khăp, msĕ si Kâo djă pioh leh klei Ama Kâo mtă leh anăn dôk hlăm klei Ñu khăp.

Klei anei Kâo mtă kơ diih: brei diih bi khăp hdơ̆ng diih.

Tơdah diih jing phung lăn ala, lăn ala srăng khăp kơ phung ñu pô. Ƀiădah kyuadah diih amâo jing ôh phung lăn ala, Kâo ruah leh diih mơ̆ng lăn ala, kyuanăn lăn ala bi êmut kơ diih.