Popular Bible Verses from Klei Mphŭn Dơ̆ng 12

Deli

Kâo srăng brei ih jing sa găp djuê prŏng; Kâo srăng brei klei jăk jĭn kơ ih; Kâo srăng brei anăn ih mâo klei hing ang, leh anăn ih srăng jing klei jăk jĭn kơ phung mkăn. Kâo srăng brei klei jăk jĭn kơ hlei pô brei klei jăk jĭn kơ ih; Kâo srăng tăm pah kơ hlei pô tăm pah kơ ih; leh anăn hlăm ih jih jang găp djuê mnuih hlăm lăn ala srăng mâo klei jăk jĭn.”

Khua Yang lač leh kơ Y-Abram, “Kbiă mơ̆ng čar ih, lui găp djuê ih leh anăn sang ama ih, nao kơ čar Kâo srăng ktrâo brei kơ ih.

Y-Abram đuĕ nao tui si Khua Yang lač leh kơ ñu, leh anăn Y-Lot nao mbĭt hŏng ñu. Y-Abram mâo kjuh pluh êma thŭn tơdah ñu kbiă mơ̆ng ƀuôn Čaran.

Khua Yang bi êdah Ñu pô kơ Y-Abram leh anăn lač, “Kâo srăng brei čar anei kơ phung anak čô ih.” Snăn tinăn ñu mdơ̆ng sa boh knưl ngă yang kơ Khua Yang, Pô bi êdah leh kơ ñu.