Priljubljene svetopisemske vrstice iz Šintinoo 49

Deli

Kokoytaray goboo si hun Žuda kone. Boŋkoynitaray goboo si hun kaboo ra, hala nga koy cimi-cimoo kaayanoo ga, nga kaŋ se gandawey kul borey ga yee ganda.

Isufi manʼti kala yaaru, yaaru kaŋ goo hari jere ga, yaaruyaŋ kaŋ goo tondi hondu jese ga. Birawkarkey nʼa tooɲe, i nʼa kar, i nʼa yenje

amma nga biraa alfaydaa ga gay, nga kabey goo nda gaabi, Hinikoyoo kaŋ ti Yakuba Koyoo kabey bande, Kurkaa kaŋ ti Izirayel Tondoo, maaɲoo ga. Ni baabaa Koyoo ga ni faaba, Hini-kul-koyoo ga albarka daŋ ni ra. Nʼga duu beenaa haroo albarkaa, nda laboo cire guusu beeroo haroo albarkaa, nʼga duu ni almaney nda ni hayroo albarkaa.

Žuda, ni, ni armey ma ni saabu, ni kaboo ga ni iberey gungumandi, de mo ni baaba-izey ga sujudu ni jine. Žuda manʼti kala ganjihayla-ize, nʼga hun hoodogoo ra, ay izʼaroo. A ga kani ka hunanzam sanda ganjihayla aru wala sanda ganjihayla woy. May no ma yadda kʼa tunandi?

Rubeŋ, ni ti ay izʼaru jinaa, agʼalfaydaa nda ay gaabi jina-jinawey ra ay duu ni, ni beeraa nda ni hinoo bisa ni armey waney. Nʼga zarga sanda hari, woo se nʼsi tee jineboraa koyne! Zama ni žigi ni baabaa kanidogoo boŋ, nʼnʼa kaynandi. A žigi ay daaroo boŋ!