Popular Bible Verses from Okutandika 1

Ruhanga yaagira ati. Katuhangye omuntu omu muringo gwaitu, ashushane naitwe; bategyekye eby'omu nyanja, n'ebirikuguruka omu mwanya, n'amatungo, n'ensi yoona, na byona ebirikugyendesa enda ahansi. Ruhanga yaahanga omuntu orikumushusha; omu kushusha kwa Ruhanga yaaba nimwo yaamuhangira; yaahanga omushaija n'omukazi.

Ruhanga yaabaha omugisha, kandi yaabagira ati: Muzaare, mukanye, mwijure ensi, ebe eyaanyu; mutegyekye eby'omu nyanja, n'ebirikuguruka omu mwanya, na byona ebiine amagara ebirikwegyendesa ahansi.

Omu kutandika Ruhanga akahanga eiguru n'ensi.

Ensi ekaba etari mu buteeka, kandi erimu busha; omwirima gukaba gushwekire amaizi maingi, kandi Omwoyo wa Ruhanga akaba naagyendagyenda ahaiguru y'amaizi.

Ruhanga yaagira ati: Habeho omushana. Omushana gwabaho.

Ruhanga yaareeba byona ebi ahangire; kandi reeba, bikaba biri birungi munonga. Bwaira, bwasheesha, kyaba ekiro kya mukaaga.

Ruhanga yaareeba omushana guri murungi; yaataanisa omushana n'omwirima.

Ruhanga yaagira ati: Reeba, naabaha ebirikumera byona ebirikwera enjuma, ebiri omu nsi yoona, n'ekiti kyona ekirikwana ebijuma ebirimu embibo; bibe eby'okurya byanyu.

Ruhanga yaayeta omushana Nyomushana, n'omwirima yaagweta Nyekiro. Bwaira, bwasheesha, kyaba ekiro ky'okubanza.

Ruhanga yaagira ati: Habeho omwanya ahagati y'amaizi, gutaanise amaizi n'agandi.

Kandi enyamaishwa zoona ez'omu nsi, n'ebirikuguruka byona eby'omu mwanya, n'ekintu kyona ekirikugyendesa enda, buri kintu kyona ekiine omwitsyo, naabiha ebirikumera byona ebibisi, bibe eby'okurya byabyo. Kyaba nikwo kyaba.

Ruhanga yaagira ati: Habeho ebirikwaka omu mwanya omu iguru, bitaanise nyomushana na nyekiro; kandi bibe eby'okumanyisa obunaku n'ebiro n'emyaka

Ruhanga yaagira ati: Ensi emere ebirikumera, ebirikwera enjuma, kandi n'ebiti ebirikwana ebijuma, ebirimu embibo, buri kimwe omu muringo gwakyo. Kyaba nikwo kyaba.

Ruhanga yaataho ogwo mwanya, gwataanisa amaizi g'ahansi yaagwo n'ag'ahaiguru yaagwo. Kyaba nikwo kyaba.

Ensi yaamera ebirikumera, ebirikwera enjuma omu miringo yaabyo, n'ebiti ebirikwana ebijuma ebirimu embibo, buri kimwe omu muringo gwakyo. Ruhanga yaareeba kiri kirungi.

Ruhanga yaakora ebirikwaka bihango bibiri, ekirikwaka ekihango okutegyeka nyomushana, kandi ekikye okutegyeka nyekiro; kandi yaakora n'enyonyoozi.

Ruhanga yaagira ati: Amaizi g'ahansi y'eiguru gaateeranire omu mwanya gumwe, eitaka rireebekye. Kyaba nikwo kyaba. Ruhanga yaayeta eryo itaka Ensi, n'eiteeraniro ry'amaizi yaaryeta Enyanja. Ruhanga yaareeba kiri kirungi.

Ruhanga yaabiha omugisha, naagira ati: Muzaare, mukanye, mwijure omu maizi g'omu nyanja, kandi n'ebirikuguruka bikanye omu nsi.

Ruhanga yaagira ati: Ensi ezaare ebiine amagara omu miringo yaabyo, amatungo n'ebirikugyendesa enda n'enyamaishwa z'omunsi omu miringo yaabyo; kyaba nikwo kyaba.

Ruhanga yaagira ati: Amaizi gaijure ebirikwegyendesa ebiine amagara, kandi n'ebirikuguruka bigurukye ahaiguru omu kaabunga.

Ruhanga yaahanga enyamaishwa z'omu nsi omu miringo yaazo, n'amatungo omu miringo yaago, n'ebirikwekurura ahansi omu miringo yaabyo; Ruhanga yaareeba kiri kirungi.