Priljubljene svetopisemske vrstice iz MARKUS 13

Deli

Adang kekat kelunan leko keh mu'un-mu'un uban pengelan keh tong Akeu', bang irah éh ngeretep pah avéé' ga' néh, kelunan inah éh omok alaa' urip kepéh, ha' Yésus ngan réh.

Mavaa' keh jian-jian, mai keh telalau awah, uban bé' keh jam hun mah tatek Ké' tuai da'.

La'ah hun réh ngamit keh ngan mihin keh tai besara' da', mai keh medai seruh kineu' jalan keh omok mipa kekat ha' réh da', uban tovoo' réh ngamit keh da', adang Tuhan pu'un mena' pengejam néh ngan keh ke' néh omok nolong keh pané. Uban kekat ha' keh da', bé' éh jin kenin keh tengéé', bang jin Sahéé' Ni'ai.

Langit ngan tana' juk salai béé, bang kekat ha' éh benara' Ké' iteu', adang néh pu'un pelinguh, ha' Yésus.

Ka' ha' Yésus kepéh, Tong dau Ké' pu'un tuai kepéh, bé' pu'un kelunan séé'-séé' péh éh jam éh, meliket tong seruga péh bé' jam éh, usah ké' tengéé' péh, bé' Ku' jam éh, Tamen Ké' awah éh jam éh.

La'ah hun keh menéng rengah kelunan pekayau, kenat péh tong tana' keh siteu' kenat péh rengah kelunan pekayau tong tana' éh juu' péh, mai keh pua ngan besau kenin. Adang kekat-kekat inah pu'un tenah, bang bé' jak éh inah éh ga' néh mu'un, ha' néh.

Hun néh kenat jian ka'ah péh mavaa', uban bé' keh jam hun mah pengeja'au lamin inah pu'un moléé' kepéh. Barang iah pu'un tuai sioo' dau tahup péh, barang lepok merem péh, barang dau dileu' péh, barang dau peka ngivun péh. Mavaa' keh dai keh pegen ngan telalau awah, boh éh beleka' pu'un tuai ngan na'at keh pegen keto. Tong éh benara' Ké' ngan keh iteu', inah ke' éh benara' Ké' ngan kekat kelunan kepéh, inah éh, mavaa' keh, ha' Yésus ngan réh.

Adang jah arong kelunan juk ngayau jah arong kelunan, ngan irah éh pu'un lem nihau jah peritah, juk betéé' tai pekayau ngan irah éh lem nihau irah peritah éh jah kepéh. La'ah tovoo' inah péh tong kuraa'-kuraa' tana' pu'un tegen tana' ja'au mu'un, kenat péh pu'un la'au' éh ja'au mu'un. Kekat inah barei' kesakit redo teka néh juk nganak, hun anak néh juk pelohoo' mu'un, pu'un éh pelapah sakit mu'un kepéh, barei' inah lah tong kekat penusah inah.

Teka kekat penusah inah pu'un avéé', adang ha' tebaraa' Ké' pu'un benara' réh ngan kekat arong kelunan tenah.

Uban pinaa' kelunan pu'un tuai lem ngaran Ké' éh bara' ka', Akeu' teu' néh Tuhan ne', ha' réh, ke' réh omok petawang kuraa'-kuraa' kelunan.

Mavaa' keh jian-jian, adang pu'un kelunan ngamit keh ngan mihin keh tai besara'. Adang réh pu'un mipok keh tong lamin sebayang, ngan mihin keh tai tong jumen kelunan éh ja'au ngan irah raja' péh uban keh ngelan tong Akeu', inah kepéh, dokoo' keh omok bara' Rengah Jian ngan réh.

Adang pu'un kuraa'-kuraa' kelunan tuai éh bara' réh Kristus, bang bé' éh Kristus. Kenat péh tong kelunan éh bara' ha' Tuhan, adang pu'un kuraa'-kuraa' usah réh éh bara' réh tuai sohoo' Tuhan ke' réh nebaraa' kelunan, bang bé' éh sohoo' Tuhan kenat. Kenat péh omok réh maneu' kuraa' telana' éh ja'au éh ngebéé kenin kelunan ke' sadat lavo' awah, hun néh omok pah avéé' kelunan éh kevéléé' Tuhan péh juk kelavo' réh.

Ka' ha' Yésus kepéh, La'ah la'o kekat penusah inah, bé' pu'un ada maten dau, kenat péh laséh, kekat kenyuhai pu'un pelohoo' jin langit, ngan kekat-kekat éh jah tong langit pu'un piso jin retek néh bu'un.