Priljubljene svetopisemske vrstice iz LUKAS 9

Deli

La'ah ha' Néh ngan kekat kelunan pinaa' nah, Hun pu'un séé'-séé' péh éh juk kivu Akeu', mai éh kivu pengeloo' néh tengéé', bang siget-siget dau, jian éh alaa' salib néh tengéé' ngan kivu Akeu'.

Kelunan éh seruh juk mihau urip néh tong tana' awah, tawang urip néh inah, kenat péh kekat pengeloo' néh kepéh. Bang kelunan éh bet kekat pengeloo' néh tengéé' ke' néh ngajung Akeu' dalem kekat penganeu' néh, kelunan inah éh omok murip mu'un.

Bang ha' Yésus mipa éh, Kelunan éh ngamit kayeu' éh nihit kelubau ngalei' tana', hun néh na'at saa' murin néh bé' éh omok ngalei' tana'. Kenat péh kelunan éh ngelayau na'at saa' murin néh awah, bé' éh tekep maneu' kereja' Allah éh Pengeja'au, ha' Néh.

Ineu' gunah kelunan alaa' kekat éh tong tana' iteu' hun usah néh tengéé' tawang ngan béé? Bé' pu'un gunah néh.

Uban kelunan séé'-séé' éh leko tong Akeu' ngan leko tong ha' tebaraa' Ké', Anak Kelunan leko tong iah sioo' savéé' Néh tuai kepéh dalem kekat pengaren Tamen Néh ngan pengaren meliket Néh péh.

La'ah ka' ha' Yésus ngan néh, Kekat munin pu'un luvang néh ngan kekat juhit péh pu'un sala néh, bang Anak Kelunan bé' pu'un jalan Néh mokoo', ha' Néh.

La'ah ha' Néh ngan réh, séé'-séé' éh alaa' anak kenat lem ngaran Ké', inah iah alaa' Akeu', ngan séé'-séé' éh alaa' Akeu', inah iah alaa' Iah éh nyohoo' Akeu' tuai. Kenat péh séé'-séé' éh ra' belah ka'ah, iah ke' éh ja'au mu'un belah keh kepéh, ha' Néh ngan réh.