Priljubljene svetopisemske vrstice iz LUKAS 5

Deli

La'o Néh nebaraa' réh boh Éh pané ngan Simon, ka' ha' Néh, Jian ke' memesai tai lepok baa', sinah ke' ngaléng jala' ko', boh ke' omok alaa' seluang pinaa', ha' Néh.

Ha' Simon mipa éh, O Guru, putung merem améé' ngejala' avéé' mé' lekasan mu'un, bang jah usah péh seluang bé' éh pu'un nalaa' mé'. Na' péh kenat uban Ko' nyohoo' ku' tai kepéh, tai ke' ku' dat, ha' néh. Tai réh ngaléng jala' réh, pinaa' mu'un seluang lem jala' réh, avéé' jala' réh juk pejéé'.

Bang Yésus tai mokoo' tong tana' linek ke' néh sebayang.

Bé' Akeu' tuai tong tana' iteu' Ké' tebai kelunan éh seruh iah kelunan éh jian, bang Akeu' tuai ke' Ké' tebai kelunan penyala' dokoo' réh omok piso jin penyala' réh, ha' Néh.

Hun Simon Péterus na'at éh kenat, iah ngejekuu' lep néh tong jumen Yésus, ha' néh, O Tuhan, piso ke' jin akeu' uban akeu' kelunan penyala' awah, ha' néh.

Ha' Yésus mipa réh, Kelunan éh bé' sakit, bé' éh tai tavin kelunan éh nawan, bang kelunan éh sakit éh tai.

La'ah pu'un réh menat alut réh tong tapak tana', ngan modoo' kekat kereja' éh kemalai réh, ke' réh kivu Yésus.

Jah koléé' kepéh Yésus pu'un tong jah leboo'. Sinah éh temeu' ngan jah kelunan éh kapéé'. Hun néh na'at Yésus, tukep éh tong jumen Néh ke' néh menyat pika, ha' néh, O lakei' ja'au, hun Ko' keloo' adang Ko' omok peka'o ku', ha' néh. Pelapah Yésus mapai ojoo' Néh tong lakei' inah, ha' Néh, Keloo' Ku' ke' ma'o, jian ke' ma'o jin kesakit ko' inah, ha' Néh. Tioo pega' kesakit kapéé' nah.

Bang rengah tong Yésus peka'o éh nah avéé' tai juu' kepéh. La'ah pinaa' mu'un kelunan tuai menéng ha' tebaraa' Néh ngan ke' Néh omok peka'o réh jin kesakit réh.