Priljubljene svetopisemske vrstice iz LUKAS 3

Deli

La'o Yohanes ngebatis kelunan pinaa', Yésus péh benatis néh kepéh. Tovoo' Yésus sebayang pukap langit ngan Sahéé' Ni'ai tuhun tong Néh, layan néh barei'-okoo' juhit punai. La'ah pu'un ha' jin langit, ka' ha' Néh, Ka'au' néh Anak Ké' éh penika Ké', bang tong Ka'au' awah Akeu' payoo' kenin ha' Néh.

Uban réh seruh éh kenat, inah Yohanes pané ngan réh, Akeu' éh ngebatis ka'ah dalem baa', bang pu'un jah kelunan éh saa' murin iteu' kepéh éh juk ngebatis keh neu' Sahéé' Ni'ai ngan luten néh. Kelunan inah éh pelapah ja'au jin akeu', la'ah usah ké' péh bé' tekep muka talei' kasut Néh.

Jian keh maneu' barék keh teneng, inah éh pepoléng keh lepah nelikut jin kekat kesa'at keh. Boh keh omok kelap jin ukum inah. Mai keh bara' ka', Abraham éh tepun améé', ha'. Mai keh ngelan tong inah. Uban Allah pu'un penyukat Néh, bateu' péh ke' Néh suai malui anak, éh anak-ayam Abraham, omok éh.

Hun iteu' péh pu'un kapak lepah pedah ke' néh tebeng tong lakat kayeu'. La'ah kekat inan kayeu' éh bé' ngebuaa' ngan buaa' éh jian, tenebeng néh ngan nebet néh dalem luten, ha' néh.

Inah Yohanes pu'un maneu' éh pekua' ha' lem surat nabi Yesaya. Ka' ha' néh, Pu'un jah kelunan mejui tong ahang tana', Ka' ha' jui néh, Jian keh petenup jalan ngan Tuhan ngan pepejek éh. Kekat sawa' keh tavun éh, kekat berusu' ngan tokong keh ngediva' éh, kekat jalan éh pakok keh pepejek éh, kekat lebek keh maneu' éh pedereng, Boh kekat kelunan omok na'at Tuhan Allah éh purip kelunan.