Priljubljene svetopisemske vrstice iz YOHANES 3

Deli

Uban ja'au penika Allah ngan kekat kelunan tong tana' iteu', inah Iah mena' Anak Néh éh jah de' ke' inah, dokoo' séé'-séé' éh ngelan tong Anak Néh, bé' éh matai bang néh omok alaa' urip pelinguh.

Uban bé' Allah nyohoo' Anak Néh tuai tong tana' iteu' ke' Néh ngukum kelunan tong tana' iteu', bang Iah nyohoo' Éh tuai ke' Néh purip kelunan tong tana' iteu'.

Ka' ha' Yésus mipa éh, Akeu' bara' mu'un ngan ko', hun kelunan bé' murip maréng kepéh, bé' Allah omok Pengeja'au néh ngan mihau éh, ha' Néh.

Séé'-séé' éh ngelan tong Anak iteu', bé' iah teneng ukum, bang kelunan éh bé' ngelan, kenukum Néh tenéh réh, uban réh bé' ngelan tong Anak Allah éh jah de' ke' inah.

Jalan keh jam éh kenat, inah éh, uban rema lepah tuai tong tana' iteu', bang kelunan pelapah keloo' murip tong merem jin réh keloo' murip tong rema uban kekat penganeu' réh sa'at awah éh.

Adang tekep Yésus éh ja'au ngan akeu' éh si'ik awah, ha' néh.

Kekat kelunan éh maneu' sa'at leko éh tong rema, ngan bé' éh keloo' tai tong rema, dai kekat penyuai néh poléng.

Séé'-séé' éh ngelan tong Anak Néh inah, iah pu'un urip pelinguh, bang séé'-séé' éh bé' ngelan tong Anak Néh inah, bé' éh omok alaa' urip, bang rek Allah ngan ukum neu' Allah teneng tong néh, ha' Yohanes.

Ka' ha' Yésus kepéh, Barei' Musa metéé' torok temagaa' tong kayeu' hun néh pu'un tong tana' pegawa sahau rai, kenat péh tekep Anak Kelunan netéé' réh kepéh

La'ah Tamen Néh murung Anak Néh ngan pu'un Éh mena' kekat ineu'-ineu' lem nihau Anak Néh.