Priljubljene svetopisemske vrstice iz 2 Corinthians 7

Deli

Ngamp wayan yumpanampwey-a, ngampaniya ngangk way paththam iiy-iiyanampwey. Puth ngamp God.antan thawimpanta maꞌ-aathow ngampangan-a, nilaniya koyam weentathow ngampang woyan min nungantamakan aꞌ putha kaaꞌ-piichanathow ngampang way ngamparam amanaman ngampan yump-yumpamp. Anpalana ngamp keꞌ-ngul ngangk wayan iiy-iiyāmp yaꞌ-ngul, ngampaniya ngangk minang ngul iiy-iiyāmp! Puth wiyiya than pam wanch ngangk way iiy-iiyantan wayan yumpin amanamwey, puth than keꞌ engkantan God.antan maꞌ-aathow thananga, than puth keꞌ ngangkangam piꞌ-piꞌantan nunang yaꞌa. Niliya keꞌ kaaꞌ-piichanathow thanang way thanttam anpalan yaꞌa, thaniya aak way aakanakan iiyayn.

Ngurp ngatharam niiyala, anpalmana wik nilan ngampar thaw-a, ngamp wayan kan wantāmp, aꞌ putha ngampiya keꞌ ngotan ngoonchāmp thanttang al-alantangan wayan yump-yumpantanwey. Aꞌ ngamp keꞌ ngaantam-ngeeyāmp way yumpanakana. Puth ngampiya ngaantam-ngeeyāmp nunang God.an nil min piꞌan paththam aꞌ wik ngeeyāmp nunang thamp ngampaniya yipmam min anman iiy-iiyāmp.

Puth yimanangan ngulana, ngay ngangk minang iiy-iiyanga, amanaman yaꞌa, niiy ngangk wayan iiy-iiyan, puth imanamana niiy koyam ngulan weentan woyan God.antamakan. An kan-kanam putha, niiy ngangk way paththam iiy-iiyan, puth niiyana ngaantam-ngeeyan niiyantakam niiy wayan yump-yumpan aꞌ puth niiy koyam ngulan woyan min God.antamakan weentan. Puth lat ngatharam alangana keꞌam wayath niiyang yaꞌa, an puth min niiyant.