Priljubljene svetopisemske vrstice iz Luké 8

Deli

Pea ko ia ‘oku ‘i he kelekele kuo lelei, ko e fa‘ahinga ia ‘oku nau tali ‘a e folofola‘aki ‘a e loto kuo lelei mo taau, ‘o nau pukenima‘i ia, pea nau fua he‘enau kītaki.

Pea ko ia na‘e tō ki he ‘akau talatala, ko kinautolu ia na‘e fanongo, ka ‘i he‘enau fai atu ‘oku ngāpulou kinautolu ‘e he ngaahi mo‘ua ‘o e mo‘ui ni, mo hono koloa, mo hono ngaahi mālie; pea ‘oku ‘ikai ai te nau tō a‘u.

Pea ko kinautolu ‘i he funga maka, ko e kakai ia ‘oku fanongo leva mo tali fiefia ‘a e folofola; ka ‘oku ‘ikai fai aka ‘a kinautolu ni, ka ‘oku nau tui pē ‘i he taimi ko ia, pea ‘i ha taimi ‘ahi‘ahi ‘oku nau hiki.

Pea ne pehē kiate kinautolu, Kofa‘ā ia ho‘omou tui? Pea nau ofo mo ilifia, ‘o nau fepehē‘aki, Uoi! ko hai nai ‘eni! he ‘oku ne tu‘utu‘uni me‘a ki he matangi mo e tahi, pea nau fakaongo ki ai!

Pea ko kinautolu ‘i he ve‘ehala, ko e kakai ia ‘oku fanongo; pea toki ha‘u ‘a e tēvolo, ‘o ne ‘ave ‘a e folofola mei honau loto, na‘a nau tui pea mo‘ui.

He ‘oku ‘ikai ha me‘a ‘oku lilo, ka ‘e faifai pea e‘a; ‘uma‘ā ha me‘a ‘oku fufū ka ‘e ‘iloa pē, pea hoko ‘o fu‘u e‘a.

Pea ‘i he hā ki he fefine ‘oku ‘ikai te ne puli, na‘a ne ha‘u tetetete, ‘o ne hinga atu ‘i hono ‘ao, ‘o ne fakahā ‘i he ‘ao ‘o e kakai kotoa ‘a e ‘uhinga ‘o ‘ene ala kiate ia, pea mo ‘ene mo‘ui ai leva. Pea pehē ‘e Sīsū ki ai, Nga‘ata, kuo fakamo‘ui koe ‘e ho‘o tui: ‘alu atu, ‘o fiemālie pē ā.

Pea nau ‘unu‘unu atu ‘o fafangu ia, ‘ēī, ‘ēī, ‘oku tau tu‘utāmaki! Pea ne tu‘u, ‘o lolomi ‘a e matangi mo e hou ‘o e tahi: pea fakalolo ia ‘o tofu.