Priljubljene svetopisemske vrstice iz Luké 4

Deli

Pea ‘i he‘ene folahi ‘a e puka, na‘a ne ‘ilo ‘a e potu ‘a ia ‘oku tohi ai ‘a e lea ni, Ko e Laumālie ‘o e ‘Eiki ‘oku ‘iate au; he na‘a ne pani au ke u ‘alu mo e ongoongolelei ki he masiva: kuo ne fekau au ke fanongonongo ‘a e tukuange ki he pōpula, mo e ‘ā ki he kui; ke fekau ‘a e ta‘eliekina ke ‘alu kuo tau‘atāina; ke fanongonongo ‘a e ta‘u ‘o e hōifua ‘a e ‘Eiki.

Ka ka tali ‘e Sīsū ‘o ne pehē kiate ia, Kuo tohi, Te ke lotu ki he ‘Eiki ko ho ‘Otua, pea ko ia pē toko taha te ke ‘Otua‘aki.

Pea tali 'e Sīsū kiate ia, 'o pehē, Kuo tohi, 'Oku 'ikai mo'ui 'a e tangata 'i he mā pē.

PEA na‘e foki mai ‘a Sīsū mei Soatani kuo fonu ‘i he Laumālie Mā‘oni‘oni; pea tākiekina fano ia ‘i he toafa ‘i he mālohi ‘o e Laumālie.

Pea tali ‘e Sīsū ‘o ne pehē ki ai, Kuo folofola‘aki, ‘e ‘ikai te ke ha‘aki ‘ahi‘ahi‘i ‘a e ‘Eiki ko ho ‘Otua.

Pea kuo faka‘osi ‘e he Tēvolo ‘a e ‘ahi‘ahi kotoa pē, pea ne ‘alu meiate ia ‘o tali faingamālie.

Pea ne ‘ohake ia ki ha potu mā‘olunga, ‘o ne faka‘ali‘ali ki ai ‘a e ngaahi pule‘anga kotoa pē ‘o māmani ‘i ha kemo pē taha. Pea pehē kiate ia ‘e he Tēvolo, Te u foaki kiate koe ‘a e pule ki he ngaahi me‘a ni kotoa, mo hono nāunau: he kuo tuku ia kiate au; pea ‘ilonga ha taha ‘oku ou loto ki ai ‘oku ou foaki ia ki ai: ko ia, kapau te ke punou ‘o lotu kiate au ‘e koe, ‘e ‘o‘ou kotoa. Ka ka tali ‘e Sīsū ‘o ne pehē kiate ia, Kuo tohi, Te ke lotu ki he ‘Eiki ko ho ‘Otua, pea ko ia pē toko taha te ke ‘Otua‘aki.

Pea ne ‘ave ia ki Selusalema, ‘o ne fokotu‘u ki he tu‘ahivi ‘o e Temipale, ‘o ne pehē ki ai, Kapau ko e ‘Alo koe ‘o e ‘Otua, hopo ki lalo mei heni. He kuo tohi, He ‘e kouna ‘e ia ‘ene kau ‘āngelo ke vakavakai koe; mo ‘eni foki, Te nau fatakinima koe, na‘a pākia ho va‘e ‘i ha maka. Pea tali ‘e Sīsū ‘o ne pehē ki ai, Kuo folofola‘aki, ‘e ‘ikai te ke ha‘aki ‘ahi‘ahi‘i ‘a e ‘Eiki ko ho ‘Otua.