Priljubljene svetopisemske vrstice iz Pahayag 8

Deli

Nang mabuksan ng Kordero ang ikapitong selyo, nagkaroon ng katahimikan sa langit sa loob ng halos kalahating oras.

Pinatunog ng unang anghel ang kanyang trumpeta, umulan ng yelo at apoy na may halong dugo. Nasunog ang ikatlong bahagi ng lupa, ang ikatlong bahagi ng mga kahoy at ang lahat ng damo.

Pagkatapos, nakita ko ang isang agilang lumilipad sa himpapawid at sumisigaw nang malakas, “Nakakaawa! Kahabag-habag ang mga nakatira sa lupa kapag pinatunog na ng tatlo pang anghel ang mga trumpeta nila.”

Pinatunog ng ikalawang anghel ang kanyang trumpeta, at bumagsak sa dagat ang parang malaking bundok na nagliliyab. At naging dugo ang ikatlong bahagi ng dagat.

Pinatunog ng ikatlong anghel ang kanyang trumpeta, at nahulog mula sa langit ang isang malaking bituing nagliliyab na parang sulo at tumama sa ikatlong bahagi ng mga ilog at mga bukal. Ang pangalan ng bituin ay “Mapait.” Kaya pumait ang ikatlong bahagi ng tubig, at maraming tao ang namatay nang makainom ng tubig na iyon.

Pinatunog ng ikaapat na anghel ang kanyang trumpeta, at napinsala ang ikatlong bahagi ng araw, ang ikatlong bahagi ng buwan, at ang ikatlong bahagi ng mga bituin, kaya nagdilim ang ikatlong bahagi nila. Nawalan ng liwanag ang ikatlong bahagi ng araw at gayundin ang ikatlong bahagi ng gabi.