Priljubljene svetopisemske vrstice iz Pahayag 11

Deli

Nang pinatunog ng ikapitong anghel ang kanyang trumpeta, may narinig akong malalakas na tinig mula sa langit na nagsasabi, “Maghahari na ngayon sa buong mundo ang ating Panginoon at ang kanyang Mesias. At maghahari siya magpakailanman.”

Puno ng galit ang mga bansa, at narito na ang inyong poot. Panahon na upang hatulan ninyo ang mga patay at gantimpalaan ang inyong mga lingkod na propeta, at ang mga hinirang ninyong may takot sa inyo, dakila man o hindi. At panahon na rin upang lipulin ang mga namumuksa sa mundo.”

Sa mga araw na iyon, isusugo ko roon ang dalawang saksi ko na nakasuot ng sako, at ipapapahayag nila ang mensahe ng Diyos sa loob ng 1,260 araw.”

Ngunit pagkalipas ng tatloʼt kalahating araw, pumasok sa kanila ang hininga ng buhay mula sa Diyos. Bumangon sila, at ganoon na lang ang takot ng lahat ng nakakita sa kanila.

May kapangyarihan silang isara ang kalangitan upang hindi umulan habang nagpapahayag sila ng propesiya. May kapangyarihan din silang gawing dugo ang tubig at magpadala ng lahat ng uri ng salot sa mundo kung kailan nila gusto.

Ang dalawang saksing ito ay ang dalawang punong olibo at dalawang ilawan sa harap ng Panginoon ng buong mundo. Kung sinuman ang magtangkang manakit sa kanila, may apoy na lalabas sa kanilang bibig at tutupukin ang kanilang kaaway. Ganito pupuksain ang sinumang magtangkang saktan sila.