Priljubljene svetopisemske vrstice iz Maki 9

Deli

Yesu gigahena gigayo, “Gavadi-yo afaiweya uyakahini? Hai kaliva ginavetumaganeku, medema gaitoma moya'aina anafaiweya ginafaisewana.”

Auhe'ama kwamana tamana gikova gigayo, “O gavetumagane. Atu yaku vetumagana kabi'ona fa'ina udavelugaku be gidatubuga.”

Ada muliya Yesu manuweya giluku-yo ana tomuliya adikaibe'uyanina Bana buye himiyami tu hitoliluveluvena higayo, “Gavana fa'ina ime keke amafaiweya wada yafune-nadi adawavini?” Yesu gigayo, “Mena yafune adi loi yadi faiwala lakahi-mo'ena fa'ina keke amifaiweya wanawavi-kawowodi. Au wanave'o'ola-fa'ila kadu au ana tova againe wanamiyami be Yaubada wanave'o'olena amine, amifaiweya wanawavidi.” Au hidede amine Yesu gikivetuvetunudi.

Lehaga gaitoma hagihagina. Ka'i kanahiwavekibona, ana digadigaga ginahavaina ada keke adafaiweya kanakivedigagi-havagileni. Lehaga a'a againe kadodona be giludigadigaga amine, meda omi yami gahe wanakivedigagina be veyao againe tobohiyamiyao buye wanamiyami.”

Ada Yesu kwamana kabi'ona givaina digo ana tomuliya hinafadiya gisena, ada au gifewana be giwahina gigahedi gigayo, “Hai kaliva kwamana kabi'ona bana hidevama amine aku eganeya ginasive'auyena, medema vaita Iya ginasive'auyeku. Ada hai kaliva Iya ginasive'auyeku, medema keke vaita Iya'ekugaga gidasive'auyeku, au vaita Bana'e gi'iveniniseku-ma buye gidasive'auyema.” Hidedemi Yesu gikivetuvetunudi.

Gagahe velemo'ena gava kaliva omi Iya Keliso yaku kaliva fa'ina ginanuwakabubuyemi be gufa-abayuyu ginavelemi, medema wona velemona ana laufata ginavaina.

Tu ka'i kaliva sa'eyana vaita kwamana amine givetumaganeku-ma dewa koyona againe wanavebe'una, au vita lakahina wananuhagana. Ka'i kuga vita-mo'ena odomiya hinaluhifona be lehageya hinahegehobuyemi-yo wana'alika, medema vitana. Atu ka'i matahiwadi Yaubada againe ginanuhagana, au medema vita-mo'ena.

Ka'i mata koyona againe ginavebe'u, au unamwamwalina. Ka'i mata fafalatamo unamiyami tu Yaubada yana yo'o lobameya unaluku, au medema vita kabi'ona. Atu mata luhei unamiyami tu abaga koyona againe unaluku, au medema vita lakahi-mo'ena.