Priljubljene svetopisemske vrstice iz Maki 2

Deli

Yesu yadi gahe ginogalini-yo gigahedi gigayo, “Badi yadi aulolo keke ma keke doketa againe hinana tu to'aulolo ma nuwanuwadi doketa yana leme. Ada toyamumu keke doketa yana leme hinaleleni amine, meda anafaiweya Iya gahobu'ela be keke toyamumu vehimeya hi'ita'itave'avina-ma ganayowanidi. Au gahobu'ela be tokoyona ganayowanidi be yaku leme againe hinanuwavilana.”

Ada Yesu yadi vetumagana gi'ita-yo tovefela againe gigahe gigayo, “Natuku, ya koyona ahe gayawelidi.”

Kadu gigahedi gigayo, “Kaliva adi veluga fa'ina Yaubada veyawai ana tova gisena. Keke kaliva gidabubudi veyawai ana tova ana hawata fa'ina.

Yo'o lakahina fa'ina keke adifaiweya tovefela Yesu liline hinaseni. Hidema fa'ina hilaka manuwa getane ada hami Yesu gimiyami amine hifolena. Manuwa getana hi'etovahivahini-yo tovefela wa'ivina hisehobuyena.

Atu hida kaliva ganasiveyawana be wana'itani-yo Iya fa'ikuya wanagahe wanagayo, Velemodi. Bana Tohobu'ela kaliva yadi koyona adi aiyawela au ana tagalowalowa.” Ada au tovefela againe gigahe gigayo, “Ganagahe. Umidi a ivi uwahi be una ya manuweya.”

Gavaimi tovefela againe ganagahe-yo ginalakayemu? Ka'i ganagayo, Ya koyona ahe gayawelina, o ka'i ganagayo, Umidi a ivi u'avalani be unaudadana. Hadema vehimeya vita-mo'ena? Me kaliva ana siveyawa vaita vita-mo'ena fa'ina ka'i ganavehimeya tu keke ginayamumu, au taumiyao amifaiweya wana'itahalamanena kaliva adi siveyawa keke akufaiweya.

Au tovefela gimidi ana ivi gimadu'avalani-yo moya'aidi matadiya gina gihobu. Kaliva moya'aidi hi'ita-yo hiyaulowoga Yaubada ana egana hikilakahina higayo, “Boi keke tamo hidede amine gavadi kada'itani.”