Priljubljene svetopisemske vrstice iz روملو‌لارا 1

Deli

من ائنجئلدن اوتانمیرام. چونکی او، ائمان گتئرن هر کسئن خئلاصی اوچون تارینین قووّتی‌دئر؛ اوّل یهودئنئن، سونرا دا قیری‌‌یهودئنئن.

چونکی ائنجئلده تارینین عدالتی ائماندان ائمانا کشف اولونور: نجه کی، یازیلیب: «صالح آدام ائمانلا یاشایاجاق.»

دونیانین خئلقتئندن بری اونون گؤزه گؤرونمه‌ین خوصوصئیّتلری، یعنی اَبدی قووّتی و تاریلیغی اونون یاراتدیقلاری ائله معلوم اولوب آچیقجا گؤرونور. بونا گؤره ده، عوذرلری یوخدور.

چونکی تارینی تانییان حالدا، نه اونا تاری کئمی عئزّت وردئلر، نه ده شوکور اتدئلر. لاکئن دوشونجه‌لرئنده باطئل اولدولار؛ آنلاقسیز اورَکلرئنی ده قارانلیق بورودو.

اونلار تارینین حقئقتئنی یالانلا دیئشدئلر و خالئق عوضئنه مخلوقا پرستئش و عئبادت اتدئلر. او تاری کی، ابده‌جک موبارکدئر. آمئن.

تارینین قضبی گؤیدن ائنسانلارین بوتون تاریسیزلیق و حاقسیزلیغینین ضئدّئنه آشکار اولور کی، حاقسیزلیقلا حقئقته مانع اولورلار.

بو سببدن، تاری اونلاری رذئل هوسلرئنه تسلئم اتدی، حتّا آروادلاری طبئعی علاقه‌نی، قیری‌‌طبئعی علاقه ائله دیئشدئلر. همن جور، کئشئلر ده آروادلا اولان علاقه‌دن اَل چکئب، شهوتله بئربئرلرئنه قیزیشدیلار؛ کئشئلر کئشئلر‌له روسوایلیق ادئب، اؤز بدنلرئنده رذئلّئکلرئنه لایئق جزانی آلدیلار. تارینی شوعورلاریندا ساخلاماغا دَیَر ورمه‌دئکلری اوچون، تاری دا اونلاری دَیَرسئز دوشونجه‌لره تسلئم اتدی کی، ادبسئز رفتارلار اتسئنلر.

حئکمتلی اولدوقلارینی ائدّئعا اده‌رک آخماق اولدولار و فانی اولمایان تارینین عئزّتئنی، فانی اولان ائنسانا، قوشلارا، دؤردآیاقلی‌لارا و سوروننلره بنزه‌ین بوتلر‌له دیئشدئلر.