Priljubljene svetopisemske vrstice iz متّا 28

Deli

اونا گؤره گدئن و بوتون خالقلاری منه شاگئرد ادئن. و اونلاری آتا، اوغول و موقدّس روحون آدی ائله تعمئد ورئن. اونلارا اؤیرَدئن کی، سئزه امر اتدئیئم بوتون شیلری ساخلاسینلار. باخین، من دونیانین آخیریناجاق هر گون سئزئنله وارام.»

عئسا یاخینلاشیب اونلارا ددی: «گؤیده و یر اوزونده بوتون قودرت منه ورئلئب.

ملک آروادلارا ددی: «سئز قورخمایین، چونکی بئلئرم کی، چارمیخا چکئلمئش عئسانی آختاریرسینیز. او، بورادا دیئل، چونکی ددئیی کئمی دئرئلدی. گلئن ربّئن یاتدیغی یری گؤرون.

او زامان عئسا اونلارا ددی: «قورخمایین! گدئن، قارداشلاریما خبر ورئن کی، جلئله گتسئنلر. منی اورادا گؤره‌جکلر.»

اونلار آغساقّاللارلا بئر یره ییغیلیب موشاوئره ادندن سونرا، عسگرلره چوخلو پول ورئب ددئلر: «دیئن کی، شاگئردلری بئز یوخودا ائکن گجه ائله گلئب اونو اوغورلاییبلار. اگر بو باره‌ده خبر والئیه گلئب چاتسا، بئز اونو راضی اِده‌رئک و سئزی بلادان قورتاراریق.» اونلار دا پولو آلیب امر ادئلدئیی کئمی اتدئلر. و بو سؤز بو گونه کئمی یهودئلر آراسیندا یاییلیبدیر.