Priljubljene svetopisemske vrstice iz چیخیش 32

Deli

خالق موسانین داغدان اِنمَکده گِجئکدئیئنی گؤرَ‌نده هارونون اطرافینا ییغیلیب اونا ددی: «قالخ و بئزئم اوچون آللاهلار دوزَلت. قوی اونلار قاباغیمیزدا گتسئنلر. چونکی بئلمئرئک کی، بئزی مئصئردن چیخاردان آدامین یعنی بو موسانین باشینا نه گلئب!»

رب موسایا ددی: «آشاغی دوش، چونکی مئصئر اؤلکه‌سئندن گتئردئیئن خالقین، اخلاقینی پوزوب. اونلارا امر اتدئیئم یولدان یامان تز دؤندولر. اؤزلری اوچون تؤکمه دانا دوزَ‌لدئب اونا سجده قیلدیلار، قوربان کَسدئلر و ددئلر: ”ای ائسرایئل اؤولادلاری باخ، سئزی مئصئر اؤلکه‌سئندن چیخاردان آللاهلارینیز!“»

هارون بونو گؤردوکده دانانین قاباغیندا بئر قوربانگاه دوزَلتدی و اعلان اتدی: «صاباح رب نامئنه بایرام اولاجاق.» صاباحیسی گون خالق سحر تزدن قالخیب یاندیرما قوربانلاری ائله باریش قوربانلاری کَسدی. خالق اوتوروب یِیئب-ائچدی، و سونرا اویناماغا قالخدی.

صاباحیسی گون موسا خالقا ددی: «سئز بؤیوک گوناها باتدینیز. آمّا من ائندی ربّئن حوضورونا قالخاجاغام کی، بلکه گوناهینیزی کفّاره اده بئلئم.»