Priljubljene svetopisemske vrstice iz JOHAN 6

Deli

Isua ne penui je, “I keringbe tingku lei, a dage wangbe kau â, ’njei ra mak lei, zai achu ’nnumka’mmibe kau â, mâtew-tewsede herei ra mak lei.

Keringbe peibe ze herui ne de lei, hemeipum â matâu hang ga lei; ningnui dage I sagai’ndibe sam ramme â herui benai keringbe lei.

Hetak ’nggadairabe hangge ningnui tâtewhereu se lau, kane keringbe betunmakbe hang bam-bamderabe hetak chi ziemmena Na ne ningnui je peirabe, chipau hangge tâtew lau; Hera Bepeu ne pe peireige pe gu ka’nchetbe kai ’ndi daseu,” kacheu de lei.

Mi-mige pe Na je ngau lu pechu ’nnumka’mmime leine ne keringbe betunmakbe ngaulerabe ze a peu ’nning de lei; zai nâlangbe mai ge I ne pechu teichu dai gu daseu,” ze acheu bei de lei.

Isua ne penui je kak ze, “Hera gu tâ â aize de lei, pa ne langgaipeu je ningnui ’nnum’mmirabe zeu,” acheu bei de lei.

A peu ne achu peigaibe leine a dage wang kam gu lei; zai a dage wangbe kau je â pechu I kelitua ra mak lei.

Simon Peterbe ne pechu kak ze, “Heguang gau, châu dage anui tat kai ra lau? Ning dage keringbe betunmakbe sam ramme bam zeu

I â tinggîm ’mbene wangkeube keringbe tingku lei; mige de aipau tingku teu dizai â, betingbeta pa ring bam gu lei; zai kedeireime ringrabe hangge tingku I peirabe ze â a pumji lei,” ze acheu bei de lei.

Bepeu achu langgaipeu ne pechu ’nrupwang makchai â mî de a dage wangchi lak lei; Zai I ne nâlangbe mai ge pechu teichu gai gu lei.

Hera gu tingku ze â chi tinggîm ’mbene wangkeube kedeireime je keringbe peibe ze daseu,” kacheu de lei.

I â keringbe tingku lei.

Dadege Isua ne tingkukuak kena tei lu, pe suiyibe sam pau gai lu dege, ka’ntaume je ’nzi gai bei de lei; chigum ze hekâ ramme du penui teudui-duî gum pei bei de lei. Zai penui teu’nggeu lu dege, pa ne pe gu kenieme je, “Padesuine ramme ka’nsakbe ruiwang kam gai lau, mâ de peize ’ngga mak ra hangge zeu,” kacheu de lei.

Zai mail kechum mei, nu mail medai mei gum ze hedui peireige ’nnei gene penui tat kai dege, sungkling peireige Isua tat ze ’nnei ’mbe wangbe penui ngau de lei. Penui hing di de lei, kane pa ne penui je, “I lei; hing se lau,” kacheu de lei.