Priljubljene svetopisemske vrstice iz MATTHEW 19

Deli

Boha Jisu bonsi khe nai hi, bonsi khe thiphin ba, Bo khe subung ni khlai hide dang phuma niya, thikhabo Madai ni khlai hide khrip dang phu du.

Bede thikhade bonsi gini niya kha, bonsi saomang mangsi ja kha. Odebani Madai ning jura phakhade subungde da degao ri thing.

Jisu thiphin ba, Ebo grao khe nisi phuriya? Bo jenba ni phrang bonsi khe slamyaba miyah jang masainjik khe bo slamhi thiba, Odebani, miyahsa jar ni buma-bupha khe haiger hi jar ni bihih khe remsong nang, odehe bonsi gini jang saomang mangsi ja nang, ode thi du.

Jisu thiba, ansarao khe aniha haiha lah, bonsi khe da magna; sorgo raji de eleiyaba subung ni khlai hi se.

Thikhabo, gabang subung sagang thaoyaraode bo yaohonthao ja ma, yaohon thaoyaraobo sagangthao ja ma se.

Sere noh buthu khe ja thing, daphlungrao khe ja thing, bahandao thu khe ja thing, buma bupha khe ja thing, basathu khebo ja thing, raji khe ja thing, ani bumu jang haiger khade, bo rjasi bangdao hi mai ma se, ode, thaoglao ni hayu ni phanthabo mai ma se.

Jisu bo khe thiba, Ning gathar jama nangjao du thikhade, nini ha dongyaba khe phain hi dukhirao ar suliyayarao ne ri lah, odese sorgo ni don khe ning mai ma; odehe, phai hi ani yaohon rikpha lah.

Jisu boni ha thiphin ba, Hamba jinis ni balam ha snadi jabani ning angkhe sing ba? Hamba de masi se ning dong ba; asaba ja thing, hayu ha ning hapma nangjao khade, grao riyaba buthu khe mani lah.

Ang nisi khe thiphin du, gnang subung Madai ni raji ha hapba thane simi khmao gabla ha mihhajeng hap ba se lai dao.

Thikhabo, ang de ning khe thi du, sere naga khe hamjao bani niya hi bihih jang gaolei dada malai jang noh jakha de bo gaori jaba se. Ode sere gaolei hi noh jadu bobo gaori jaba se.

Boha Jisu jar ni yaohon rikphayarao khe thi ba, Gibi jang ang nisi khe thidu, gnang subung ni khlai hide sorgo raji ha hapba hamsi ning du bi.