Priljubljene svetopisemske vrstice iz Ruma 12

Deli

Kono kow og-unug to mgo batasan to mgo otow no kono ogtuu no kai to kalibutan. Di atag, bogayi now ka Magboboot to oyow ogkahalin on ka goinawa now ligkat to ungod ogkoiam on ka mgo doromdom now. No ian su oyow ogpakasabut kow on ko nokoy ka ogkoiniatan to Magboboot, no ian ka maroyow no batasan no ogkoiniatan din no kono ogkaalang-alang.

Sikan ian, mgo sulod, su dakol ka pogkohoy-u to Magboboot kanta, ogbuyu a kaniu to oyow igbogoy now ka lawa now dio to Magboboot to oyow ogpakatuman kow to ogkoiniatan din. Sikan ka igkatubad ta kandin no manokal ki pad. No og-awoson to waro solug no maroot to mgo hinimuan ta oyow igkarago din. Sikan ian ka litos no batasan ta ko ogsimboon ta ka Magboboot.

Og-awoson to ungod kinow ogkarago su duon pog-iman-iman ta to pogkouyag ta uromo. Og-awoson to og-aguantoon ta ka mgo igkabaybayari ta, woy ungod ki og-ampu to Magboboot.

Ian ta oghimuon su og-awoson to kono ki ogparoog to maroot di ogpoomotan ta to oyow ogpakaampow-ampow ka maroyow.

Sikanta no nigtuu ki Hisus, og-awoson to ogmaam-amanooy kinow to goinawa ta woy ogpatatahuroy kinow on ian.

Og-awoson to tu-tuu ian to dakol ka goinawa ta to duma ta. Og-awoson ta no og-iniugan ta ka agad nokoy no batasan no maroot, di oggongonan ta ka tibo no batasan no maroyow.

No to tibo no katouanan ta, og-ol-olog ki to oyow ko ogkohimu, waro samuk di ogmaroyow ka pogdumaruma ta to tibo no otow.

Mgo sulod ku no indakoli ku to goinawa, ko duon maroot no oghimuon to songo otow kanta, kono ta igsuli ka songo maroot di igbalagad ta to Magboboot ko ogmonuon din to oglogpad, su duon ingkasulat dongan no kinagian to Magboboot to: “ ‘Kanak ka oglogpad. Kanak ka ogsuli.’ Sikan ka kagi to Lagboy no Igbuyag ta.”

Kono kow ogpapogulpogul di hogoti now ka goinawa now to ogtuman to ogkoiniatan to Lagboy no Igbuyag ta no si Hisu Kristu.

Nò, su nabogayan a to katondanan ku to og-alap-alap to kagi rin, ognangon a kaniu to og-awoson now tibo to kono kow ogsumansuman to madmaroyow kow to mgo duma now. Di tongod to katouanan now, og-awoson to oglitoslitos do ka doromdom now no ogpakasokod to pogtuu now no imbogoy to Magboboot kaniu.

Ko duon maroot no oghimuon to songo otow kanta, kono ta igsuli ka songo maroot. Di ian ta oghimuon ka batasan no ogkatagaan to agad hondoi no otow to maroyow no batasan.

Og-awoson to ogkasagboka ro ka goinawa ta ka nigtuu ki Hisus. Kono ki ogparakoldakol to duma ta, di ogdumaruma ki to mgo otow agad malintok so ngaran dan. Kono ki ogsumansuman to madmaroyow ki kandan.

Soini ka litos no oghimuon ta no ingkasulat to kinagian to Magboboot to: “Ko oggutasan ka usig nu, pakoona nud. Ko ogkoibog to woig, poinuma nud. Ian su ko sikan ka oghimuon nu ogkasipod lagboy sikandin to maroot no nighimu rin koykow.”

Pakolkohoy-ui now to Magboboot ka mgo otow no ogbayadbayad kaniu. Ogbuyu ki to oyow ogkabuligan sikandan. Kono ta igpanungayow. No ko duon otow no ogkarago, ogdalong ki to igkarago dan, di ko duon otow no ogpakasinogow, songo ogdalong ki to igkasinogow ran.

No ungod ki ogbulig to mgo duma ta no nigtuu ki Hisus ko duon og-awoson dan. Ko duon otow no ogdatong poron to baloy ta, ogpapanoikon ta woy ogsagmanon ta.

Pananglitan, tibo kinow, duon lawa ta no mohon-ing ka sumpul to tag sagboka no lawa ta. Di ka tibo to sikan no sumpul, ogloinloin to katondanan. Ogkounawa rod kanta no nigtuu ki Hisu Kristu. Agad mohon-ing kinow no otow, sagboka ro ka lawa ta no nasagboka kinow on ki Hisu Kristu. No tibo kanta, ogkounawa to lawa ta no nigmasumsumpuloy.