Kalanga - 2008 Edition (NT)

<div class="version vid860 iso6393kck" data-vid="860" data-iso6393="kck">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Jesu na Nikodemo</div><div class="p"> 1Kwakabe kuna nlume we Nfarasi edang'wa Nikodemo, ali ntungamili we Bajuta. 2Nikodemo wakazha kuna Jesu busiku kati kunli, &#8220;N'diyi, toziba kuti u n'diyi wakadwa ku Ndzimu, ngobe akuna ungathama zwilakidzo zwaunothama ha Ndzimu usimile naye.&#8221;</div><div class="p"> 3Jesu kanshandula eti, &#8220;Ndolebesa tjose nditi ku kuli, kuzhe kwe kuti nthu azwagwe butshwa, aangabone bushe gwe Ndzimu.&#8221;#3:3 bushe gwe Ndzimu: Kodwiwa pamwe ne pamwe mu lubaka gumwe ne gumwe panobusa Ndzimu ubusa ndi Kirisiti.</div><div class="p"> 4Nikodemo kabhuzwa kati, &#8220;Nthu wakwegula ungazwagwa tjini? Apa ungangina gwe bubili mu ntumbu wa mmeyabe kuti azwagwe?&#8221;</div><div class="p"> 5Jesu kanshandula eti, &#8220;Ndolebesa tjose nditi ku kuli, kuzhe kwe kuti nthu azwagwe nge vula nenge meya, aangangine mu bushe gwe Ndzimu. 6Tjazwagwa nge nyama i nyama, tjazwagwa nge Meya i meya. 7Usitjename, ngobe ndikudwa nditi wakafanila kuti uzwagwe butshwa. 8Phepo inohwuhwudzila kwainoda, unohwa nsindo wayo, koga autoziba kwainodwa kene kwainoyenda. Kwakajalobo mu mmwe ne mmwe wazwagwa nge Meya.&#8221;</div><div class="p"> 9Nikodemo kambhuzwa eti, &#8220;Kungashingikala tjini ikoku?&#8221;</div><div class="p"> 10Jesu kambhuzwa kati, &#8220;Apa u n'diyi mu Iziraela koga autoziba ikoku kene? 11Ndolebesa tjose nditi ku kuli, iswi toleba ngekwe tjatinoziba kakale tobika ngekwe tjatakabona, koga amutoamutjila tjatinobika. 12Apa ha ndakamubudza nge zwithu zwe shango mukasidume, mowoduma tjini ha ndimubudza ngekwe zwe kudzimu wali? 13Koga akuna wakatongo tathilila kudzimu kuzhe kwa iye wakadeluka edwa kudzimu, iye Nkololo we nthu.&#8221;</div><div class="p"> 14 # 
 Mbalo 21:9
 Koga Mushe sekwa akamilidza nyoka mu tjilambanyika ne Nkololo we nthu wakafanila kumilidzigwabo pezhugwi, 15kuti kene ali ani unogalamoyo munli abe ne butjilo gusingapele. 16Ngoti Ndzimu wakada shango ino kungapongapo kwawakapa Nkololo wawo uyega kuti kene ali ani unogalamoyo munli asitongofa, koga abe ne butjilo gusingapele. 17Ngoti Ndzimu auzotuma Nkololo wawo mu shango kuwoyisumikilisa, koga wakantuma kuti shango itjidziwe ndiye.</div><div class="p"> 18Iye unogalamoyo munli aazosumikilisiwa, koga iye usingagalemoyo wakasumikilisiwa kale, ngobe aazogalamoyo mu zina le Nkololo uyega we Ndzimu. 19Kusumikilisiwa ndihwoku, tjedza tjakazha mu shango, koga bathu bakada zhalima mu bumo gwe tjedza, ngobe mishingo yabo ili mibi. 20Mmwe ne mmwe unothama bubi nge unobenga tjedza, kakale aatozha mu tjedza, ngobe mishingo iye ingabhudila patjena. 21Koga iye unoshinga malebeswa unozha mu tjedza kuti ndizo kuboneke kuti mishingo iye yakashingigwa mu Ndzimu.</div><div class="s">Jesu na Johani</div><div class="p"> 22Shule kwa ikoko, Jesu ne badiyiwa babe bakabhudila mu shango ye Judiya, kwaakapitsha tjibaka nabo edubika bathu. 23Johani na iyebo wakabe edubika mu Enoni, pejo ne Salima, ngobe kwakabe kuna vula njinji ikoko. Bathu bakabe bezha kunli, ngono bedubikiwa. 24#Matewu 14:3; Mako 6:17; Luke 3:19, 20Johani wakabe asathu kalongwa mu ng'umba ye busungwa mu tjibaka itjetjo.</div><div class="p"> 25Ipapo kukabe ne kunyanyayidzana pakati kwe badiyiwa ba Johani ne mmwe Njuta ngekwe tjenapadzo. 26Ngono bakazha kuna Johani bakati, &#8220;N'diyi, nlume ihwouje wamakabe munaye seli kwe gwizi gwe Jorodani wamakaleba nge kukwe, wodubikabo ngwenu, ngono mmwe ne mmwe woyenda kunli.&#8221;</div><div class="p"> 27Johani kabashandula eti, &#8220;Akuna ungabe ne tjimwe kuzhe kwe tjaapiwa tjidwa kudzimu. 28#Johani 1:20Imwi nge kwenyu muna butendeki gwe kuti ndakati, &#8216;Andite ndili imi Mesiya, koga ndakatumwa kuzha mu shango mbeli kukwe.&#8217; 29Una nlongo nkwasha, nzwalani we nkwasha unobe ali mile ipapo akahwilila unoshatha kwazo ha ehwa hwi le nkwasha. Ndizo kushatha kwangu kwazhadzisika. 30Iye wakafanila kudziwa, imi ayisiwa pasi.&#8221;</div><div class="s">Iye unodwa kudzimu</div><div class="p"> 31Iye unodwa pezhugwi upezhugwi kwa bose. Iye unodwa mu shango nge we shango unoleba nge zwe shango, koga iye unodwa kudzimu upezhugwi kwabo bose. 32Unotendeka ngekwe tjaakabona nenge tjaakahwa, koga akuna unoamutjila butendeki gugwe. 33Iye unoamutjila butendeki gugwe unolakidza kuti Ndzimu ulebeswa. 34Iye wakatumwa nge Ndzimu unoleba matama e Ndzimu, ngobe Ndzimu unompa Meya nge buzhalo. 35#Matewu 11:27; Luke 10:22Tate banoda Nkololo wabo, ndizo bakampa zwithu zose. 36Iye unogalamoyo mu Nkololo una butjilo gusingapele, koga iye usingahwilile Nkololo aatowobe ne butjilo, koga bushongola gwe Ndzimu gupezhugwi kukwe.</div><div class="b"></div>
 </div>
 </div>
</div>

Kalanga Bible © Bible Society of Botswana, 2008, 2018.

Kwakabe kuna nlume we Nfarasi edang'wa Nikodemo, ali ntungamili we Bajuta. Nikodemo wakazha kuna Jesu busiku kati kunli, “N'diyi, toziba kuti u n'diyi wakadwa ku Ndzimu, ngobe akuna ungathama zwilakidzo zwaunothama ha Ndzimu usimile naye.”
Jesu kanshandula eti, “Ndolebesa tjose nditi ku kuli, kuzhe kwe kuti nthu azwagwe butshwa, aangabone bushe gwe Ndzimu.”
Nikodemo kabhuzwa kati, “Nthu wakwegula ungazwagwa tjini? Apa ungangina gwe bubili mu ntumbu wa mmeyabe kuti azwagwe?”
Jesu kanshandula eti, “Ndolebesa tjose nditi ku kuli, kuzhe kwe kuti nthu azwagwe nge vula nenge meya, aangangine mu bushe gwe Ndzimu. Tjazwagwa nge nyama i nyama, tjazwagwa nge Meya i meya. Usitjename, ngobe ndikudwa nditi wakafanila kuti uzwagwe butshwa. Phepo inohwuhwudzila kwainoda, unohwa nsindo wayo, koga autoziba kwainodwa kene kwainoyenda. Kwakajalobo mu mmwe ne mmwe wazwagwa nge Meya.”
Nikodemo kambhuzwa eti, “Kungashingikala tjini ikoku?”
Jesu kambhuzwa kati, “Apa u n'diyi mu Iziraela koga autoziba ikoku kene? Ndolebesa tjose nditi ku kuli, iswi toleba ngekwe tjatinoziba kakale tobika ngekwe tjatakabona, koga amutoamutjila tjatinobika. Apa ha ndakamubudza nge zwithu zwe shango mukasidume, mowoduma tjini ha ndimubudza ngekwe zwe kudzimu wali? Koga akuna wakatongo tathilila kudzimu kuzhe kwa iye wakadeluka edwa kudzimu, iye Nkololo we nthu.”
Koga Mushe sekwa akamilidza nyoka mu tjilambanyika ne Nkololo we nthu wakafanila kumilidzigwabo pezhugwi, kuti kene ali ani unogalamoyo munli abe ne butjilo gusingapele. Ngoti Ndzimu wakada shango ino kungapongapo kwawakapa Nkololo wawo uyega kuti kene ali ani unogalamoyo munli asitongofa, koga abe ne butjilo gusingapele. Ngoti Ndzimu auzotuma Nkololo wawo mu shango kuwoyisumikilisa, koga wakantuma kuti shango itjidziwe ndiye.
Iye unogalamoyo munli aazosumikilisiwa, koga iye usingagalemoyo wakasumikilisiwa kale, ngobe aazogalamoyo mu zina le Nkololo uyega we Ndzimu. Kusumikilisiwa ndihwoku, tjedza tjakazha mu shango, koga bathu bakada zhalima mu bumo gwe tjedza, ngobe mishingo yabo ili mibi. Mmwe ne mmwe unothama bubi nge unobenga tjedza, kakale aatozha mu tjedza, ngobe mishingo iye ingabhudila patjena. Koga iye unoshinga malebeswa unozha mu tjedza kuti ndizo kuboneke kuti mishingo iye yakashingigwa mu Ndzimu.

Shule kwa ikoko, Jesu ne badiyiwa babe bakabhudila mu shango ye Judiya, kwaakapitsha tjibaka nabo edubika bathu. Johani na iyebo wakabe edubika mu Enoni, pejo ne Salima, ngobe kwakabe kuna vula njinji ikoko. Bathu bakabe bezha kunli, ngono bedubikiwa. Johani wakabe asathu kalongwa mu ng'umba ye busungwa mu tjibaka itjetjo.
Ipapo kukabe ne kunyanyayidzana pakati kwe badiyiwa ba Johani ne mmwe Njuta ngekwe tjenapadzo. Ngono bakazha kuna Johani bakati, “N'diyi, nlume ihwouje wamakabe munaye seli kwe gwizi gwe Jorodani wamakaleba nge kukwe, wodubikabo ngwenu, ngono mmwe ne mmwe woyenda kunli.”
Johani kabashandula eti, “Akuna ungabe ne tjimwe kuzhe kwe tjaapiwa tjidwa kudzimu. Imwi nge kwenyu muna butendeki gwe kuti ndakati, ‘Andite ndili imi Mesiya, koga ndakatumwa kuzha mu shango mbeli kukwe.’ Una nlongo nkwasha, nzwalani we nkwasha unobe ali mile ipapo akahwilila unoshatha kwazo ha ehwa hwi le nkwasha. Ndizo kushatha kwangu kwazhadzisika. Iye wakafanila kudziwa, imi ayisiwa pasi.”

Iye unodwa pezhugwi upezhugwi kwa bose. Iye unodwa mu shango nge we shango unoleba nge zwe shango, koga iye unodwa kudzimu upezhugwi kwabo bose. Unotendeka ngekwe tjaakabona nenge tjaakahwa, koga akuna unoamutjila butendeki gugwe. Iye unoamutjila butendeki gugwe unolakidza kuti Ndzimu ulebeswa. Iye wakatumwa nge Ndzimu unoleba matama e Ndzimu, ngobe Ndzimu unompa Meya nge buzhalo. Tate banoda Nkololo wabo, ndizo bakampa zwithu zose. Iye unogalamoyo mu Nkololo una butjilo gusingapele, koga iye usingahwilile Nkololo aatowobe ne butjilo, koga bushongola gwe Ndzimu gupezhugwi kukwe.

Poslušaj Johani 3