Cofan - 2010 Edition (NT) Drama

<div class="version vid567 iso6393con" data-vid="567" data-iso6393="con">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Tsandupajen'cho Chiganga afe'cho</div><div class="r">(Mr 12.41-44)</div><div class="p"> 1Jes&#250;sja ricondeccu tise'pa afe'cho corifin'dima Chiga etti'su corifin'dima ppi&#241;a'jen'chonga ppi&#241;asi atte. 2Toya ca&#241;a'jen'ni tsandupajen'cho'qque jipa dos reama ppi&#241;a. 3Tsama attepa Jes&#250;sja su:</div><div class="p">&#8212;&#209;oa'me gi su, va tsandupajen'choja poiyi'cco ricondeccuma ti'tsse tsu ppi&#241;a. 4Tsendeccuja osha'choma tayo chavapa an'biamba tise'pa antteye'cho corifin'dima afe'fa. Tsa'ma tsandupajen'choja mechopa pa'cco tise chavapa canseye an'bian'cho corifin'dima afe.</div><div class="s">Chiga etti osui catiyeya'cho</div><div class="r">(Mt 24.1-2; Mr 13.1-2)</div><div class="p"> 5Majan a'ija Chiga ettine Jes&#250;si'ccu condasecco'fa. Nane &#241;otssia patuma tsao'&#241;amba osha'cho &#241;otssia afe'choi'ccu Chiga ettima &#241;o&#241;a'chone condaseccopa Jes&#250;sja su:</div><div class="p"> 6&#8212;Que'ija osha'cho va &#241;otssiama atte'fa. Tsa'ma jai'ngae ni fae patu faesu patumbe ombani ottaya'bi. Pa'cco tsu osui catiyeya'cho.</div><div class="s">Osefae&#241;a'cho a'tane canjae&#241;a'cho</div><div class="r">(Mt 24.3-28; Mr 13.3-23)</div><div class="p"> 7Tsonsi tisema i&#241;ajampa&#241;a'fa:</div><div class="p">&#8212;Atesian'su, &#191;minga'ni tsu tsa'caen daya? &#191;Jongoesu canjaen'choma attepa gi tsa'caen daya'chove atesu'faya?</div><div class="p"> 8Tsonsi Jes&#250;sja tise'pama su:</div><div class="p">&#8212;Injama'tse majandeccu que'ima afopoemba qque&#241;asa'ne. Chigaja &#241;ama moen a'ima ccushaen'suve. Tsa'ma tsain'bio a'i tsu jipa &#8220;&#209;a gi Chiga in'jan'cho Cristo&#8221; qquen afopoen'faya. &#8220;Ja'&#241;o tsu Chigaja a'ima ccushae&#241;a&#8221; qquen tsu su'faya. Tsa'ma tise'pama pa&#241;a'fajama. 9Toya'caen osha'cho gera, iyicco'je'choma pa&#241;a'an'qque dyombe can'faja. Tsaveqque'su tsu. O'tie tsu tsa'caen tso&#241;a'cho. Tsa'ma tse'faei'ccuyija osefae&#241;a'bi.</div><div class="p"> 10Tsomba Jes&#250;s ti'tsse conda:</div><div class="p">&#8212;Fae ande'su tsu faesu ande'sui'ccu iyicco'faya. Fae na'su tsu faesu na'sui'ccu iyicco'faya. 11Ande'qque oyaya. Cca'tti, cca'tti aindeccuja qquipoe'su'faya. Osha'cho paqque'suma'qque setsa'faya. Osha'cho dyoqque'sui'ccu tise'pama dyo&#241;ansi a'ija sefacconi'su canjaen'choma'qque atte'faya.</div><div class="p"> 12Tsa'ma osha'cho tsa'caen toya napimbi'te cca'indeccuja que'ima indipa no&#241;angian'faya. Que'ima Chigane atesian'jen'ttinga anga'faya que'i injama'choma somboe&#241;e. Picco'je'ttinga'qque que'ima picco'faya. Que'ija &#241;a aindeccusi ande nasundeccu, goviernondeccu'qque que'ima iyu'u'faya. 13Tsa'caen que'ima iyu'uye angasi qui tansintsse &#241;ane conda'faya. 14Tsa'ma toya tsa'caen tsombi'te asi'ttaen'fajama jongoe qquen supa ccushaya'chove. 15Nane &#241;a gi que'ima in'jaemba afae&#241;a que'i tansintsse afasi cuintsu que'ima no&#241;angiansundeccu ziyaye. 16Tsa'ma que'i antiandeccu, nane que'i yaya, mama, quindya, que'i amigondeccu'qque que'ima a'tiemba no&#241;angiansundeccunga afe'faya. Majan que'i'suma'qque fi'tti'faya. 17Que'ija &#241;a aindeccusi tsu poiyi'cco que'ima chi'ga'faya. 18Tsa'ma que'imajan qque&#241;a&#241;e osha'faya'bi. Ni fae tsove'su toseveyi'qque qque&#241;a'faya'bi. 19Que'i &#241;ame ta'etsse in'jamba qui ccushapa tsangae canse'faya.</div><div class="p"> 20Tsa'ma tsain'bio sundarondeccu Jerusal&#233;n canqquema shoquendi'je'fasi attepa qui in'jan'faya Jerusal&#233;n canqquema osefae&#241;a'cho tsu tayo napi. 21Majan Judea andeni can'jen'da ccotta'cconga tsu ccuya'faya'cho. Majan canqqueni can'jen'da tsu sombo'faya'cho. Majan tayo joccani can'jen'da Jerusal&#233;ni ca'nimbe'yi tsu jaya'cho. 22Nane tsequi a'ta tsu Chigaja israendeccumbe injama'choma somboe&#241;a. Osha'cho Tise Aya'fa su'cho tsu napiya. 23Va'cha pushesundeccuja majan suri'je'cho. Majan du'shuma chochoen'jendeccu tsequi a'ta tsu vana'faya. Nane poi andeni'su aindeccu vana'jen'fasi Chigaja israendeccuma iyicca'yepa tise'pa injama'choma somboe&#241;a. 24Sundarondeccuja matichi'ccu tise'pama fi'tti'faya. Majamanda tsu indipa poi biani'su andeni ma&#241;a ja'faya cuintsu tseni canse'faye. Toya'caen israembindeqquia tsu Jerusal&#233;nma patsupa an'bian'faya tise'pa manda'cho tsangae naningeya'ngae.</div><div class="s">Sefaccone Ji'cho A'i ccase jiya'cho</div><div class="r">(Mt 24.29-35, 42-44; Mr 13.24-37)</div><div class="p"> 25Coejechigai'ccu canjae&#241;a'choma qui atte'faya. Cose'suchigai'ccu, o'fei'ccu'qque tsa'caen canjaensi qui atte'faya. Toya'caen andenga mar'su shave'pa jangipa zonzoemba quia'me jensi poiyi'cco a'i dyopa zucco'faya. Nane govierno nasundeccu'qque ma'caen tso&#241;a'chove atesumbipa dyo'faya. 26A'ija jai'ngae tso&#241;a'choma asi'ttaemba tsu dyopa paqquia'caen da'faya. Nane sefacconi'su o'fe'qque ccaningae ja'fasi tsu aindeccuja tsa'caen da'faya. 27Tsonsi tse'i tsu atte'faya Sefaccone Ji'cho A'i osha'choma oshapa mandaye ji&#241;a'choma. Nane osha'cho &#241;otssiai'ccu unjimba'ye ji&#241;a'choma tsu atte'faya. &#209;a ji'ninda poiyi'cco tsu &#241;ama atte'faya. 28Osha'cho tsa'caen daye ashaensi asuccopa can'faja. &#209;oa'me tsu que'i ccushaya'choja pan napiji.</div><div class="p"> 29Tsomba Jes&#250;s va condase'choma condase:</div><div class="p">&#8212;Higuera tetachojima can'faja. Nane poi tetachojima can'faja. 30Ccaqueje sho'yosi atte'ta qui qquen in'jan'fa: &#8220;Coejefa tsu jiye tson'jen.&#8221; 31Tsa'cae&#241;i qui que'ija osha'cho &#241;a su'choma atte'ta qquen in'jan'faya: &#8220;Chiga tsu jiye tson'jen. Ja'&#241;o gi Tise aindeccuve da'faya.&#8221;</div><div class="p"> 32&#209;oa'me gi su va ja'&#241;o can'jensundeccu pambi'te tsu osha'cho tsa'caen napiya. 33Chiga sefacconi tsu pasaya. Va ande'qque pasaya. Tsa'ma &#241;a aya'faja tsangae tsu jinchoya.</div><div class="p"> 34Majan a'ija &#241;oquimbipa injanga canse'fa. Majan a'ija ccusi'fa. Majan a'ija tise'pa an'bian'choma panshaen in'jan'fa. Tsa'ma injama'tse. Tsa'caen &#241;oquimbi'fajama. &#209;a su'choma'qque aqque'pa'fajama pan &#241;a jisi atte jangipa dyosa'ne. 35&#209;a ji'ninda tsu chhiriria quendecco'chonga indiyeqquia'caen a'ija atte jangi'faya. 36Tsa'ma que'ija camba ronda'jepa &#241;ama i&#241;ajan'jen'faja. Tsayita qui osha'cho va vana&#241;a'cho su'choma vanambe'yi ccushapa Sefaccone Ji'cho A'inga ccutsu'faya.</div><div class="p"> 37Poi a'ta Jes&#250;sja Chiga ettini can'jemba atesian'jen. Tsa'ma cose'ninda Olivo ccotta'cconga japa ana'jen. 38Poi a'ta sinte'yi poiyi'cco a'i Chiga ettinga bo'fa tisema pa&#241;a&#241;e.</div>
 </div>
 </div>
</div>

Jesúsja ricondeccu tise'pa afe'cho corifin'dima Chiga etti'su corifin'dima ppiña'jen'chonga ppiñasi atte. Toya caña'jen'ni tsandupajen'cho'qque jipa dos reama ppiña. Tsama attepa Jesúsja su:
—Ñoa'me gi su, va tsandupajen'choja poiyi'cco ricondeccuma ti'tsse tsu ppiña. Tsendeccuja osha'choma tayo chavapa an'biamba tise'pa antteye'cho corifin'dima afe'fa. Tsa'ma tsandupajen'choja mechopa pa'cco tise chavapa canseye an'bian'cho corifin'dima afe.


Majan a'ija Chiga ettine Jesúsi'ccu condasecco'fa. Nane ñotssia patuma tsao'ñamba osha'cho ñotssia afe'choi'ccu Chiga ettima ñoña'chone condaseccopa Jesúsja su:
—Que'ija osha'cho va ñotssiama atte'fa. Tsa'ma jai'ngae ni fae patu faesu patumbe ombani ottaya'bi. Pa'cco tsu osui catiyeya'cho.


Tsonsi tisema iñajampaña'fa:
—Atesian'su, ¿minga'ni tsu tsa'caen daya? ¿Jongoesu canjaen'choma attepa gi tsa'caen daya'chove atesu'faya?
Tsonsi Jesúsja tise'pama su:
—Injama'tse majandeccu que'ima afopoemba qqueñasa'ne. Chigaja ñama moen a'ima ccushaen'suve. Tsa'ma tsain'bio a'i tsu jipa “Ña gi Chiga in'jan'cho Cristo” qquen afopoen'faya. “Ja'ño tsu Chigaja a'ima ccushaeña” qquen tsu su'faya. Tsa'ma tise'pama paña'fajama. Toya'caen osha'cho gera, iyicco'je'choma paña'an'qque dyombe can'faja. Tsaveqque'su tsu. O'tie tsu tsa'caen tsoña'cho. Tsa'ma tse'faei'ccuyija osefaeña'bi.
Tsomba Jesús ti'tsse conda:
—Fae ande'su tsu faesu ande'sui'ccu iyicco'faya. Fae na'su tsu faesu na'sui'ccu iyicco'faya. Ande'qque oyaya. Cca'tti, cca'tti aindeccuja qquipoe'su'faya. Osha'cho paqque'suma'qque setsa'faya. Osha'cho dyoqque'sui'ccu tise'pama dyoñansi a'ija sefacconi'su canjaen'choma'qque atte'faya.
Tsa'ma osha'cho tsa'caen toya napimbi'te cca'indeccuja que'ima indipa noñangian'faya. Que'ima Chigane atesian'jen'ttinga anga'faya que'i injama'choma somboeñe. Picco'je'ttinga'qque que'ima picco'faya. Que'ija ña aindeccusi ande nasundeccu, goviernondeccu'qque que'ima iyu'u'faya. Tsa'caen que'ima iyu'uye angasi qui tansintsse ñane conda'faya. Tsa'ma toya tsa'caen tsombi'te asi'ttaen'fajama jongoe qquen supa ccushaya'chove. Nane ña gi que'ima in'jaemba afaeña que'i tansintsse afasi cuintsu que'ima noñangiansundeccu ziyaye. Tsa'ma que'i antiandeccu, nane que'i yaya, mama, quindya, que'i amigondeccu'qque que'ima a'tiemba noñangiansundeccunga afe'faya. Majan que'i'suma'qque fi'tti'faya. Que'ija ña aindeccusi tsu poiyi'cco que'ima chi'ga'faya. Tsa'ma que'imajan qqueñañe osha'faya'bi. Ni fae tsove'su toseveyi'qque qqueña'faya'bi. Que'i ñame ta'etsse in'jamba qui ccushapa tsangae canse'faya.
Tsa'ma tsain'bio sundarondeccu Jerusalén canqquema shoquendi'je'fasi attepa qui in'jan'faya Jerusalén canqquema osefaeña'cho tsu tayo napi. Majan Judea andeni can'jen'da ccotta'cconga tsu ccuya'faya'cho. Majan canqqueni can'jen'da tsu sombo'faya'cho. Majan tayo joccani can'jen'da Jerusaléni ca'nimbe'yi tsu jaya'cho. Nane tsequi a'ta tsu Chigaja israendeccumbe injama'choma somboeña. Osha'cho Tise Aya'fa su'cho tsu napiya. Va'cha pushesundeccuja majan suri'je'cho. Majan du'shuma chochoen'jendeccu tsequi a'ta tsu vana'faya. Nane poi andeni'su aindeccu vana'jen'fasi Chigaja israendeccuma iyicca'yepa tise'pa injama'choma somboeña. Sundarondeccuja matichi'ccu tise'pama fi'tti'faya. Majamanda tsu indipa poi biani'su andeni maña ja'faya cuintsu tseni canse'faye. Toya'caen israembindeqquia tsu Jerusalénma patsupa an'bian'faya tise'pa manda'cho tsangae naningeya'ngae.


Coejechigai'ccu canjaeña'choma qui atte'faya. Cose'suchigai'ccu, o'fei'ccu'qque tsa'caen canjaensi qui atte'faya. Toya'caen andenga mar'su shave'pa jangipa zonzoemba quia'me jensi poiyi'cco a'i dyopa zucco'faya. Nane govierno nasundeccu'qque ma'caen tsoña'chove atesumbipa dyo'faya. A'ija jai'ngae tsoña'choma asi'ttaemba tsu dyopa paqquia'caen da'faya. Nane sefacconi'su o'fe'qque ccaningae ja'fasi tsu aindeccuja tsa'caen da'faya. Tsonsi tse'i tsu atte'faya Sefaccone Ji'cho A'i osha'choma oshapa mandaye jiña'choma. Nane osha'cho ñotssiai'ccu unjimba'ye jiña'choma tsu atte'faya. Ña ji'ninda poiyi'cco tsu ñama atte'faya. Osha'cho tsa'caen daye ashaensi asuccopa can'faja. Ñoa'me tsu que'i ccushaya'choja pan napiji.
Tsomba Jesús va condase'choma condase:
—Higuera tetachojima can'faja. Nane poi tetachojima can'faja. Ccaqueje sho'yosi atte'ta qui qquen in'jan'fa: “Coejefa tsu jiye tson'jen.” Tsa'caeñi qui que'ija osha'cho ña su'choma atte'ta qquen in'jan'faya: “Chiga tsu jiye tson'jen. Ja'ño gi Tise aindeccuve da'faya.”
Ñoa'me gi su va ja'ño can'jensundeccu pambi'te tsu osha'cho tsa'caen napiya. Chiga sefacconi tsu pasaya. Va ande'qque pasaya. Tsa'ma ña aya'faja tsangae tsu jinchoya.
Majan a'ija ñoquimbipa injanga canse'fa. Majan a'ija ccusi'fa. Majan a'ija tise'pa an'bian'choma panshaen in'jan'fa. Tsa'ma injama'tse. Tsa'caen ñoquimbi'fajama. Ña su'choma'qque aqque'pa'fajama pan ña jisi atte jangipa dyosa'ne. Ña ji'ninda tsu chhiriria quendecco'chonga indiyeqquia'caen a'ija atte jangi'faya. Tsa'ma que'ija camba ronda'jepa ñama iñajan'jen'faja. Tsayita qui osha'cho va vanaña'cho su'choma vanambe'yi ccushapa Sefaccone Ji'cho A'inga ccutsu'faya.
Poi a'ta Jesúsja Chiga ettini can'jemba atesian'jen. Tsa'ma cose'ninda Olivo ccotta'cconga japa ana'jen. Poi a'ta sinte'yi poiyi'cco a'i Chiga ettinga bo'fa tisema pañañe.

Poslušaj Lucas 21