Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">U Kasalan ti Cana</div><div class="p"> 1Nadid, k&#225;llipas nu t&#225;llo a aldew ay tehhod a kasalan tu banuwan nu Cana a sakup ni Galilea. Sakay u ina ni Jesus ay hod bi hod. 2Imbitadu be di Jesus sakay u disepulus na hide. 3Netaun be a naubusan u alak a handa de. Kanya kinagi nu ina ni Jesus nikuna, &#8220;Naubusan hide ti alak.&#8221; 4Sakay kinagi ni Jesus nikuna, &#8220;In&#225;ng-In&#225;ng dyan&#225;k mo dipalonguwan, awan palla odas para ipeta ko u kapangyariyan ko.&#8221; 5Kinagi nu ina ni Jesus tu utusan hide, &#8220;Gimit&#225;n moy u &#225;nya man a utus na nikam.&#8221;</div><div class="p"> 6Tehhod a &#225;nn&#225;m a tapayan a g&#225;ggamit&#225;n nu Judio hide a p&#225;ggugisan a ayun tu kaugaliyan de. U essa a tapayan ay maglas&#225;n ti duwa pulo hanggan ti t&#225;llo a pulo a galon a dinom.</div><div class="p"> 7Kinagi ni Jesus tu utusan hide, &#8220;Putat&#225;n moy ti dinom i tapayane hide.&#8221;</div><div class="p">Sakay pinutat de ngane iye hide. 8K&#225;ttapos ay kinagi ni Jesus nide, &#8220;Mangsalduk kam sakay iyangay moy he tu mamahala ti handaan&#225;y.&#8221; Nangsalduk ngane hide sakay inyangay de tu mamahala. 9Nikuna ennaman nu mamahala u dinom a nagin alak ay awan na tukoy ni h&#225;dya a nagg&#225;bwat itod, pero tukoy iye nu utusan hide a simmalduk tu dinom. Kanya impadulaw na u l&#225;llake a ingkasal, 10kinagi na, &#8220;Karanyuwan, u masarap a alak u idipalongo de a ipainom tu naimbitaan hide. Ni nakainom d&#225;n hide ay hod di la a iluwas u mababa a kalase ni alak. Pero iba ka, dipo nadid mu la a inluwas u pinakamasarap a alak.&#8221;</div><div class="p"> 11I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.</div><div class="p"> 12K&#225;ttapos nu kasal ay immangay ti Jesus ti Capernaum, kaguman u ina na, u k&#225;kkapatk&#225;kka na hide, sakay tu disepulus na hide. N&#225;gyan hod hide ti sangan a aldew.</div><div class="s">Immalasakit ni Jesus u Templo</div><div class="r">(Mateo 21:12-13; Markos 11:15-17; Lukas 19:45-46)</div><div class="p"> 13Nadid, k&#225;ddem&#225;t nu Kasayaan nu K&#225;ttaleb nu Judio hide ay immangay di Jesus ti Jerusalem. 14Tu k&#225;ddem&#225;t na ti Jerusalem ay immangay siya tu templo sakay netan na hod u m&#225;glako hide ti baka, tupa hide sakay kalapate. Netan na be u m&#225;gpalit hide ti pilak. 15Naggimet siya ti pangyabat na a lubid, sakay pinaluwas na tu Templo u maglako hide. Imbatikal na u pilak hide nu m&#225;gpalit hide ti pilak sakay impasak&#225;b na u lamisaan de hide. 16Kinagi be ni Jesus tu m&#225;glako hide ti kalapate, &#8220;Ibutan moy he i ina hide! Diyan moy gimit&#225;n a palengke i bilay&#225;y nama ko!&#8221; 17Naala-ala nu disepulus na hide u nesulat tu Kautusan: &#8220;U p&#225;ngmalasakit ko tu bilay mo ay kum&#225;n a apoy a maggehab ti puso kuw&#225;y.&#8221;</div><div class="p"> 18Nadid, dipo ti ginimet naan itod ay tinanung siya nu puno nu Judio hide, &#8220;&#193;nya a ka himala u ipeta mo nikame para mapatunayan a te karapatan ka a gimit&#225;n iye?&#8221; 19Tin&#225;bbeg hide ni Jesus, &#8220;H&#225;bba&#225;n moy i templow&#225;y a iye, sakay tu alay nu t&#225;llo a aldew ay patakn&#225;gg&#225;n ko a huway.&#8221; 20Kinagi di be, &#8220;Ginimet i templow&#225;y a iye tu luub nu &#225;ppat a pulo ay ti &#225;nn&#225;m a taon, sakay patakn&#225;gg&#225;n mo la tu luub nu t&#225;llo a aldew?&#8221; 21Pero awan naintendiyan nu Judio hide a u templo a gusto a kagiy&#225;n ni Jesus ay u b&#225;ggi na. 22Kanya nikuna a mabiyag siya a huway, naala-ala nu disepulus na hide i kinagi na an iye, sakay naniwala hide tu kinagi nu Kasulatan sakay tu kinagi hide ni Jesus.</div><div class="s">Tukoy ni Jesus u katoy tu Isip nu Tolay</div><div class="p"> 23Nadid, tu Aldew nu Kasayaan nu Pagtaleb ti Jerusalem, makpal a simmampalataya ni Jesus nikuna ketan de u makataka-taka a ginimet na. 24Pero awan nagtiwala ti Jesus nide, dipo tukoy na u atanan a &#225;isip&#225;n de. 25Sakay awan d&#225;n siya kailangan a kagiyan tungkul tu tolay hide, dipo tukoy na ni &#225;nya u katoy tu puso de.</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid, kállipas nu tállo a aldew ay tehhod a kasalan tu banuwan nu Cana a sakup ni Galilea. Sakay u ina ni Jesus ay hod bi hod. Imbitadu be di Jesus sakay u disepulus na hide. Netaun be a naubusan u alak a handa de. Kanya kinagi nu ina ni Jesus nikuna, “Naubusan hide ti alak.” Sakay kinagi ni Jesus nikuna, “Ináng-Ináng dyanák mo dipalonguwan, awan palla odas para ipeta ko u kapangyariyan ko.” Kinagi nu ina ni Jesus tu utusan hide, “Gimitán moy u ánya man a utus na nikam.”
Tehhod a ánnám a tapayan a gággamitán nu Judio hide a pággugisan a ayun tu kaugaliyan de. U essa a tapayan ay maglasán ti duwa pulo hanggan ti tállo a pulo a galon a dinom.
Kinagi ni Jesus tu utusan hide, “Putatán moy ti dinom i tapayane hide.”
Sakay pinutat de ngane iye hide. Káttapos ay kinagi ni Jesus nide, “Mangsalduk kam sakay iyangay moy he tu mamahala ti handaanáy.” Nangsalduk ngane hide sakay inyangay de tu mamahala. Nikuna ennaman nu mamahala u dinom a nagin alak ay awan na tukoy ni hádya a naggábwat itod, pero tukoy iye nu utusan hide a simmalduk tu dinom. Kanya impadulaw na u lállake a ingkasal, kinagi na, “Karanyuwan, u masarap a alak u idipalongo de a ipainom tu naimbitaan hide. Ni nakainom dán hide ay hod di la a iluwas u mababa a kalase ni alak. Pero iba ka, dipo nadid mu la a inluwas u pinakamasarap a alak.”
I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.
Káttapos nu kasal ay immangay ti Jesus ti Capernaum, kaguman u ina na, u kákkapatkákka na hide, sakay tu disepulus na hide. Nágyan hod hide ti sangan a aldew.


Nadid, káddemát nu Kasayaan nu Káttaleb nu Judio hide ay immangay di Jesus ti Jerusalem. Tu káddemát na ti Jerusalem ay immangay siya tu templo sakay netan na hod u máglako hide ti baka, tupa hide sakay kalapate. Netan na be u mágpalit hide ti pilak. Naggimet siya ti pangyabat na a lubid, sakay pinaluwas na tu Templo u maglako hide. Imbatikal na u pilak hide nu mágpalit hide ti pilak sakay impasakáb na u lamisaan de hide. Kinagi be ni Jesus tu máglako hide ti kalapate, “Ibutan moy he i ina hide! Diyan moy gimitán a palengke i bilayáy nama ko!” Naala-ala nu disepulus na hide u nesulat tu Kautusan: “U pángmalasakit ko tu bilay mo ay kumán a apoy a maggehab ti puso kuwáy.”
Nadid, dipo ti ginimet naan itod ay tinanung siya nu puno nu Judio hide, “Ánya a ka himala u ipeta mo nikame para mapatunayan a te karapatan ka a gimitán iye?” Tinábbeg hide ni Jesus, “Hábbaán moy i templowáy a iye, sakay tu alay nu tállo a aldew ay pataknággán ko a huway.” Kinagi di be, “Ginimet i templowáy a iye tu luub nu áppat a pulo ay ti ánnám a taon, sakay pataknággán mo la tu luub nu tállo a aldew?” Pero awan naintendiyan nu Judio hide a u templo a gusto a kagiyán ni Jesus ay u bággi na. Kanya nikuna a mabiyag siya a huway, naala-ala nu disepulus na hide i kinagi na an iye, sakay naniwala hide tu kinagi nu Kasulatan sakay tu kinagi hide ni Jesus.

Nadid, tu Aldew nu Kasayaan nu Pagtaleb ti Jerusalem, makpal a simmampalataya ni Jesus nikuna ketan de u makataka-taka a ginimet na. Pero awan nagtiwala ti Jesus nide, dipo tukoy na u atanan a áisipán de. Sakay awan dán siya kailangan a kagiyan tungkul tu tolay hide, dipo tukoy na ni ánya u katoy tu puso de.

Poslušaj Juan 2