Sarangani Blaan - 1998 Edition (NT) Drama

<div class="version vid1245 iso6393bps" data-vid="1245" data-iso6393="bps">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s">I libun mlaf&#224; i yaanan</div><div class="p"> 1Kabay Dyisas salu kenen di bulul Olib. 2Na di kwal &#233;n too flafus, samful&#234; Dyisas di Bong Gumn&#232; Dwata. Na nun dee dad to stifun di glibutan, taman sudeng Dyisas, na tdoan ale. 3Di slengan tamd&#242; takel i dad tamd&#242; i dad flal&#242; bl&#233; Dwata fagu di ku Mosis na l&#234;man dad Farisi na nebela di kenen satu libun tagnumahla di klafaan i yaanan, na ftadagla di muna i dad to. 4Na manla di ku Dyisas, &#8220;To Tamd&#242;, tagnumahmi i libun ani mlaf&#224; i yaanan. 5Na man i flal&#242; bl&#233; Mosis di gito, i to mlaf&#224; i yaanan tnud&#224; batu kel di kfatin. Na tan i manam gabl&#224; kenen?&#8221; 6I duenla man ani du tnilewla Dyisas du kay&#232;la banl&#233; kenen sal&#224;.</div><div class="p">Kabay kudung Dyisas, na sulatan i tnaloan di tan&#224;. 7Na du l&#224; ale fanak smalek kenen, taman tadag kenen, na manan, &#8220;N&#232; i to di gamu land&#232; sal&#224;, kenen i muna tmud&#224; i libun ani batu.&#8221; 8Na l&#234;man kudung Dyisas, na smulat di tan&#224;.</div><div class="p"> 9Na di kaklinge i dad ganlal dad Dyu i gman Dyisas ani lamw&#224; ale man satu satu dale. I muna md&#224; i tua, klo i dademe. Na &#233;n al&#242; gtagak, Dyisas na i libun tadag di munan. 10Na tukeng Dyisas, na manan di kenen, &#8220;Libun, tan&#232; i dad to ml&#233; ge sal&#224;? Land&#232; nan gtagak mlayam ge?&#8221;</div><div class="p"> 11Na tmimel i libun, manan, &#8220;Land&#232; nan, Amu.&#8221;</div><div class="p">Na man Dyisas, &#8220;Bal&#249; agu, l&#224;ta ge fanlayam. Mul&#234; ge, na nang ge l&#234;man mim&#242; sas&#232;.&#8221;</div><div class="s">I sal&#242; lamwa i fandam dad to</div><div class="p"> 12Na l&#234;man tal&#249; Dyisas, manan, &#8220;Agu i sal&#242; lamwa i fandam dad to di tah tan&#224;. Bal&#249; simto dad to mlal&#242; deg l&#224; nan magu di gukmifu du nun mneng di dale gumd&#224; falami nawa.&#8221;</div><div class="p"> 13Na man i dad Farisi di kenen, &#8220;Aloam satu tmulen gabl&#224; di ktom, taman l&#224; fakay fnaglut i manam.&#8221;</div><div class="p"> 14Na tmimel Dyisas, manan, &#8220;Bal&#249; al&#242; agu i tmulen gabl&#224; di ktogu, slame glut i mangu, du gad&#232;gu i gumd&#224;gu na i gusalugu. Kabay gamu, l&#224;yu gad&#232; gumd&#224;gu ku demen i gusalugu. 15Na gamu kukum md&#224; al&#242; di fandamyu, bay deg, land&#232; to nukumgu dini. 16Kabay ku mukum agu too tlu i kukumgu, du ise ku al&#242; deg i mukum, bay bal&#249; i M&#224;gu i mdek deg dini. 17Nun gsulat di dad flal&#242; bl&#233; Dwata di gamu manan, ku salngad man i lwe to, fakay fnaglut i manla. 18Tmulen agu gabl&#224; di ktogu, na M&#224;gu i mdek deg, l&#234; tmulen gabl&#224; di deg.&#8221;</div><div class="p"> 19Taman smalek ale, manla, &#8220;Tan&#232; i maam?&#8221;</div><div class="p">Na tmimel Dyisas, manan, &#8220;L&#224;yu agu gad&#232;, na l&#224;yu gad&#232; i M&#224;gu, du ku gad&#232;yu agu, l&#234;yu gad&#232; i M&#224;gu.&#8221;</div><div class="p"> 20Man Dyisas ani di klon tamd&#242; di lam i Bong Gumn&#232; Dwata mdadong di gufkah filak gal bl&#233; di Dwata. Kabay land&#232; to gmagan kamf&#232; kenen du ise sa fa bangan.</div><div class="s">Langit i gumd&#224; Dyisas</div><div class="p"> 21Na l&#234;man tal&#249; Dyisas di dad Dyu, manan, &#8220;Tafan agu tmagak gamu, na bal&#249; fanngabalyu agu, knean mati gamu di l&#224; maglifet i sal&#224;yu. Na l&#224; gamu fakay salu di gusalugu.&#8221;</div><div class="p"> 22Na sasalek i dad ganlal i dad Dyu, manla, &#8220;Kan ku manan nun gusalun i laito fakay gusalu? Fanan d&#233; fnati i kton?&#8221;</div><div class="p"> 23Na man Dyisas di dale, &#8220;&#201;n gumd&#224;yu di tah tan&#224; ani, bay deg md&#224; di langit. Gamu to di tan&#224;, deg ise. 24I duengu man di gamu, mati gamu di l&#224; fa maglifet i sal&#224;yu, du ku l&#224; gamu faglut di gmangu gabl&#224; di ktogu, mati gamu di l&#224; fa maglifet i sal&#224;yu.&#8221;</div><div class="p"> 25Na snalekla kenen, manla, &#8220;Simto ge k&#232;?&#8221;</div><div class="p">Man Dyisas di dale, &#8220;Agu i tagtulengu di gamu tamd&#224; fa di kagatbuan. 26Nun dee fa kay&#232;gu man gabl&#224; di gamu, na dee gumukumgu gamu. Kabay &#233;n al&#242;gu man di dad to i lingegu md&#224; di to mdek deg na i kdee gmanan too glut.&#8221;</div><div class="p"> 27Kabay l&#224;la glabat na i manan mdek kenen dunan i Maan Dwata. 28Taman man Dyisas, &#8220;Kadang di kagketyu deg, i dnagit Ting&#224; To, di krus, gad&#232;yu glut i gmangu gabl&#224; di ktogu, na gad&#232;yu land&#232; mgim&#242;gu md&#224; di deg knay&#232;, bay al&#242;gu man i td&#242; M&#224;gu deg. 29Na i mdek deg, gal fikit di deg, na laan agu sa tnagak, du i kdee nim&#242;gu gaflehew kenen.&#8221;</div><div class="p"> 30Na md&#224; di gman Dyisas ani nun dee dad to faglut di kenen.</div><div class="s">I kaglut ml&#233; kagalw&#224;</div><div class="p"> 31Taman man Dyisas di dad Dyu faglut di kenen gine, &#8220;Ku fn&#232;yu di nawayu i td&#242;gu gamu, mbaling gamu dad too glut mlal&#242; deg, 32na gmad&#232; gamu i kaglut, na fagu di kaglut, galw&#224; gamu md&#224; di kaglifanyu.&#8221;</div><div class="p"> 33Na manla di kenen, &#8220;Gami dad bel Abraham, na l&#224; gami lmen lifan di bal&#249; simto. Kan ku manam galw&#224; gami di kaglifanmi?&#8221;</div><div class="p"> 34Na tmimel Dyisas, manan, &#8220;Tulengu gamu i kaglutan, ku nun to gamsal&#224;, kenen sa i lifan di sal&#224;. 35Na kagkah i lifan, land&#232; kaglutan mn&#232; di gumn&#232; mfunan kel di land&#232; sen, bay i ting&#224;, fakay mn&#232; di malay maan kel di land&#232; sen. 36Taman ku &#233;n falw&#224; gamu di kaglifanyu i Ting&#224; Dwata, too glut galw&#224; gamu. 37Gad&#232;gu gamu dad bel Abraham, bay knean kay&#232;yu agu fnati, du l&#224;yu dnawat i tnal&#249;gu. 38&#201;n mangu di gamu i fite M&#224;gu deg, bay gamu, &#233;n nim&#242;yu i man m&#224;yu di gamu.&#8221;</div><div class="p"> 39Na tnimella kenen, manla, &#8220;Abraham i m&#224;mi.&#8221;</div><div class="p">Kabay man Dyisas di dale, &#8220;Ku glut gamu dad ng&#224; Abraham, taganbetyu moon i nimoan. 40Na &#233;n al&#242; gmangu di gamu i kaglut lingegu md&#224; di Dwata, bay knean kay&#232;yu agu fnati. Kabay ise ku salngad &#233;n nim&#242; Abraham. 41I nim&#242;yu ani salngad sa i nim&#242; m&#224;yu.&#8221;</div><div class="p">Na manla, &#8220;Ise gami dad ng&#224; magu dungan, du satu al&#242; m&#224;mi, dunan Dwata.&#8221;</div><div class="p"> 42Na man Dyisas di dale, &#8220;Ku glut Dwata i m&#224;yu takanbongyu agu nawa, du salu agu dini md&#224; di kenen. Ise ku md&#224; di deg knay&#232;, bay Dwata i mdek deg dini. 43Kan ku l&#224;yu glabat i mangu? I duenan du fbakong gamu du l&#224;yu gagan flinge dun. 44I m&#224;yu dunan Satanas, na i knay&#232;yu nim&#242; dunan i knay&#232; i m&#224;yu. Tagn&#232; kenen man&#242; md&#224; fa di kagatbuan, na laan nsen i kaglut du land&#232; sa kaglut mn&#232; di kenen. Di ktulenan k&#233;ng, &#233;n duenan du takenen kagkah. Tagn&#232; kenen gal tmulen k&#233;ng, na kenen gumd&#224; i kdee kakak&#233;ng. 45Kabay du tmulen agu i kaglut, na &#233;n i duenyu l&#224; faglut deg. 46Land&#232; di gamu gamtulen bal&#249; satu sas&#232; nim&#242;gu. Na ku glut i mangu, kan ku l&#224;yu agu fnaglut? 47I dad ng&#224; Dwata, too ale flinge na mimen i manan, na i duenyu l&#224; flinge du ise gamu dad ngaan.&#8221;</div><div class="s">Gabl&#224; di dale Dyisas na Abraham</div><div class="p"> 48Na tmimel i dad Dyu, manla, &#8220;Too glut i manmi, &#233;n gumdaam di Sam&#233;riya,#8:48 I dad Dyu gal dmuen na smilo i dad to md&#224; di Sam&#233;riya. na nun busawam!&#8221;</div><div class="p"> 49Na tmimel Dyisas, manan, &#8220;Land&#232; sa busawgu. &#201;n nim&#242;gu fdatah i M&#224;gu, bay fdan&#224;yu agu. 50L&#224;gu mngabal kdayen i dad to, bay kay&#232; Dwata ku dnayenla agu, na kenen i mukum ku glut i mangu. 51Tulengu gamu i kaglutan, ku nun to mimen i td&#242;gu l&#224; kenen mati.&#8221;</div><div class="p"> 52Na man i dad Dyu, &#8220;Toomi nan gad&#232; nun busawam! Du bal&#249; Abraham na i dad tugad Dwata di muna fa, i kdeela tamati, bay balingam man, &#8216;Ku nun to mimen i td&#242;gu l&#224; kenen mati.&#8217; 53Kayeam man ge k&#232; mdatah fa di gutambulmi Abraham. Tamati kenen na l&#234;man i dad tugad Dwata. Na simto ge k&#232;?&#8221;</div><div class="p"> 54Tmimel Dyisas, &#8220;Ku deg dmayen i ktogu land&#232; btas i kdayen &#233;n. Kabay i dmayen deg i M&#224;gu, dunan i manyu Dwatayu. 55Kabay l&#224;yu kenen dil&#232;, bay deg, dil&#232;gu kenen. Na kaflingenta dun ku mangu l&#224;gu kenen gad&#232; mbaling agu tmulen k&#233;ng salngad gamu. Kabay l&#224;gu tmulen k&#233;ng du gad&#232;gu sa kenen, na nimengu i manan. 56I gutambulyu Abraham too lehew du teenan i duh ksalugu dini. Na di kiten dun too kenen lehew.&#8221;</div><div class="p"> 57Na man i dad Dyu di kenen, &#8220;L&#224; gafat ge lime fal&#242; fali, na manam tateenam Abraham!&#8221;</div><div class="p"> 58Na man Dyisas, &#8220;Tulengu gamu i kaglutan, di l&#224; fa sut Abraham tagn&#232; nun agu.&#8221; 59Kagman Dyisas ani, mulut dad Dyu batu du fanla kenen tnud&#224;. Kabay flidung Dyisas, na fles lamw&#224; di Bong Gumn&#232; Dwata.</div>
 </div>
 </div>
</div>

Kabay Dyisas salu kenen di bulul Olib. Na di kwal én too flafus, samfulê Dyisas di Bong Gumnè Dwata. Na nun dee dad to stifun di glibutan, taman sudeng Dyisas, na tdoan ale. Di slengan tamdò takel i dad tamdò i dad flalò blé Dwata fagu di ku Mosis na lêman dad Farisi na nebela di kenen satu libun tagnumahla di klafaan i yaanan, na ftadagla di muna i dad to. Na manla di ku Dyisas, “To Tamdò, tagnumahmi i libun ani mlafà i yaanan. Na man i flalò blé Mosis di gito, i to mlafà i yaanan tnudà batu kel di kfatin. Na tan i manam gablà kenen?” I duenla man ani du tnilewla Dyisas du kayèla banlé kenen salà.
Kabay kudung Dyisas, na sulatan i tnaloan di tanà. Na du là ale fanak smalek kenen, taman tadag kenen, na manan, “Nè i to di gamu landè salà, kenen i muna tmudà i libun ani batu.” Na lêman kudung Dyisas, na smulat di tanà.
Na di kaklinge i dad ganlal dad Dyu i gman Dyisas ani lamwà ale man satu satu dale. I muna mdà i tua, klo i dademe. Na én alò gtagak, Dyisas na i libun tadag di munan. Na tukeng Dyisas, na manan di kenen, “Libun, tanè i dad to mlé ge salà? Landè nan gtagak mlayam ge?”
Na tmimel i libun, manan, “Landè nan, Amu.”
Na man Dyisas, “Balù agu, làta ge fanlayam. Mulê ge, na nang ge lêman mimò sasè.”

Na lêman talù Dyisas, manan, “Agu i salò lamwa i fandam dad to di tah tanà. Balù simto dad to mlalò deg là nan magu di gukmifu du nun mneng di dale gumdà falami nawa.”
Na man i dad Farisi di kenen, “Aloam satu tmulen gablà di ktom, taman là fakay fnaglut i manam.”
Na tmimel Dyisas, manan, “Balù alò agu i tmulen gablà di ktogu, slame glut i mangu, du gadègu i gumdàgu na i gusalugu. Kabay gamu, làyu gadè gumdàgu ku demen i gusalugu. Na gamu kukum mdà alò di fandamyu, bay deg, landè to nukumgu dini. Kabay ku mukum agu too tlu i kukumgu, du ise ku alò deg i mukum, bay balù i Màgu i mdek deg dini. Nun gsulat di dad flalò blé Dwata di gamu manan, ku salngad man i lwe to, fakay fnaglut i manla. Tmulen agu gablà di ktogu, na Màgu i mdek deg, lê tmulen gablà di deg.”
Taman smalek ale, manla, “Tanè i maam?”
Na tmimel Dyisas, manan, “Làyu agu gadè, na làyu gadè i Màgu, du ku gadèyu agu, lêyu gadè i Màgu.”
Man Dyisas ani di klon tamdò di lam i Bong Gumnè Dwata mdadong di gufkah filak gal blé di Dwata. Kabay landè to gmagan kamfè kenen du ise sa fa bangan.

Na lêman talù Dyisas di dad Dyu, manan, “Tafan agu tmagak gamu, na balù fanngabalyu agu, knean mati gamu di là maglifet i salàyu. Na là gamu fakay salu di gusalugu.”
Na sasalek i dad ganlal i dad Dyu, manla, “Kan ku manan nun gusalun i laito fakay gusalu? Fanan dé fnati i kton?”
Na man Dyisas di dale, “Én gumdàyu di tah tanà ani, bay deg mdà di langit. Gamu to di tanà, deg ise. I duengu man di gamu, mati gamu di là fa maglifet i salàyu, du ku là gamu faglut di gmangu gablà di ktogu, mati gamu di là fa maglifet i salàyu.”
Na snalekla kenen, manla, “Simto ge kè?”
Man Dyisas di dale, “Agu i tagtulengu di gamu tamdà fa di kagatbuan. Nun dee fa kayègu man gablà di gamu, na dee gumukumgu gamu. Kabay én alògu man di dad to i lingegu mdà di to mdek deg na i kdee gmanan too glut.”
Kabay làla glabat na i manan mdek kenen dunan i Maan Dwata. Taman man Dyisas, “Kadang di kagketyu deg, i dnagit Tingà To, di krus, gadèyu glut i gmangu gablà di ktogu, na gadèyu landè mgimògu mdà di deg knayè, bay alògu man i tdò Màgu deg. Na i mdek deg, gal fikit di deg, na laan agu sa tnagak, du i kdee nimògu gaflehew kenen.”
Na mdà di gman Dyisas ani nun dee dad to faglut di kenen.

Taman man Dyisas di dad Dyu faglut di kenen gine, “Ku fnèyu di nawayu i tdògu gamu, mbaling gamu dad too glut mlalò deg, na gmadè gamu i kaglut, na fagu di kaglut, galwà gamu mdà di kaglifanyu.”
Na manla di kenen, “Gami dad bel Abraham, na là gami lmen lifan di balù simto. Kan ku manam galwà gami di kaglifanmi?”
Na tmimel Dyisas, manan, “Tulengu gamu i kaglutan, ku nun to gamsalà, kenen sa i lifan di salà. Na kagkah i lifan, landè kaglutan mnè di gumnè mfunan kel di landè sen, bay i tingà, fakay mnè di malay maan kel di landè sen. Taman ku én falwà gamu di kaglifanyu i Tingà Dwata, too glut galwà gamu. Gadègu gamu dad bel Abraham, bay knean kayèyu agu fnati, du làyu dnawat i tnalùgu. Én mangu di gamu i fite Màgu deg, bay gamu, én nimòyu i man màyu di gamu.”
Na tnimella kenen, manla, “Abraham i màmi.”
Kabay man Dyisas di dale, “Ku glut gamu dad ngà Abraham, taganbetyu moon i nimoan. Na én alò gmangu di gamu i kaglut lingegu mdà di Dwata, bay knean kayèyu agu fnati. Kabay ise ku salngad én nimò Abraham. I nimòyu ani salngad sa i nimò màyu.”
Na manla, “Ise gami dad ngà magu dungan, du satu alò màmi, dunan Dwata.”
Na man Dyisas di dale, “Ku glut Dwata i màyu takanbongyu agu nawa, du salu agu dini mdà di kenen. Ise ku mdà di deg knayè, bay Dwata i mdek deg dini. Kan ku làyu glabat i mangu? I duenan du fbakong gamu du làyu gagan flinge dun. I màyu dunan Satanas, na i knayèyu nimò dunan i knayè i màyu. Tagnè kenen manò mdà fa di kagatbuan, na laan nsen i kaglut du landè sa kaglut mnè di kenen. Di ktulenan kéng, én duenan du takenen kagkah. Tagnè kenen gal tmulen kéng, na kenen gumdà i kdee kakakéng. Kabay du tmulen agu i kaglut, na én i duenyu là faglut deg. Landè di gamu gamtulen balù satu sasè nimògu. Na ku glut i mangu, kan ku làyu agu fnaglut? I dad ngà Dwata, too ale flinge na mimen i manan, na i duenyu là flinge du ise gamu dad ngaan.”

Na tmimel i dad Dyu, manla, “Too glut i manmi, én gumdaam di Samériya, na nun busawam!”
Na tmimel Dyisas, manan, “Landè sa busawgu. Én nimògu fdatah i Màgu, bay fdanàyu agu. Làgu mngabal kdayen i dad to, bay kayè Dwata ku dnayenla agu, na kenen i mukum ku glut i mangu. Tulengu gamu i kaglutan, ku nun to mimen i tdògu là kenen mati.”
Na man i dad Dyu, “Toomi nan gadè nun busawam! Du balù Abraham na i dad tugad Dwata di muna fa, i kdeela tamati, bay balingam man, ‘Ku nun to mimen i tdògu là kenen mati.’ Kayeam man ge kè mdatah fa di gutambulmi Abraham. Tamati kenen na lêman i dad tugad Dwata. Na simto ge kè?”
Tmimel Dyisas, “Ku deg dmayen i ktogu landè btas i kdayen én. Kabay i dmayen deg i Màgu, dunan i manyu Dwatayu. Kabay làyu kenen dilè, bay deg, dilègu kenen. Na kaflingenta dun ku mangu làgu kenen gadè mbaling agu tmulen kéng salngad gamu. Kabay làgu tmulen kéng du gadègu sa kenen, na nimengu i manan. I gutambulyu Abraham too lehew du teenan i duh ksalugu dini. Na di kiten dun too kenen lehew.”
Na man i dad Dyu di kenen, “Là gafat ge lime falò fali, na manam tateenam Abraham!”
Na man Dyisas, “Tulengu gamu i kaglutan, di là fa sut Abraham tagnè nun agu.” Kagman Dyisas ani, mulut dad Dyu batu du fanla kenen tnudà. Kabay flidung Dyisas, na fles lamwà di Bong Gumnè Dwata.

Poslušaj Dyan 8