Obľúbené biblické verše z ROMANOS 5

Zdieľať

Jesosa ca jamatii ese queamimishihuisotii ba'ejo mano'yapoa esejo. Jamajojoya aje eseyaya baña Eyacuiñajjiya eseya queajeanee acani.

Jamajjeya eseya jamatii pojjeama queaca'a ba'epoquiani. Eyacuiñajjija quiaa Edojjoshahuapameya ca eseya queaja'a jjashahuabaquimeecani Eyacuiñajji quea-esejeanee poanijo.

Majoneitii pojjeama se queabihui popoquiani. Jiquio meshijo nequicaa eseya queacamaja pomeecajje eseya jamatii queabihui poaje esejaya ebajojoya ohua jama acajo se queaca'a ba'emeecapoquije Eyacuiñajjiya. Majoya eseya jama queaca'a ba'epoquiani bamajje Eyacuiñajji queabihui poani esejo. Eyacuiñajjiya eseya bacani queabihuiya jjabaquimajje eseya quijje yenoama ba'epoquije oja ejjashahuabaquijji eapoquiajji.

E'e, jjeya Eyacuiñajjiya eseya bacani eseja mimishima'yo poani ese Jesosajo jjashahuabaqui'yonajejojoya. Jamajjeya jjeya Eyacuiñajji esenijje jjabeiqui'yonaje Emeshimesenei Jesosa Quitojo. Eseya Jesosa Quitojo jjashahuabaqui'yajo Eyacuiñajjiya eseya queapamenee acapoquianitii jjabaquiani. Eseya queaca'a ba'epoquije ojonei. Jamajjeya eseya jjeya queabihuinee jjaishoaquipoquiani quijje Eyacuiñajji queaca'aneetii queasajajanee nequipoquianinijje eseya ba'etiitiipoquije'yo.

¡Bacue! Eseyanei ca'a-amaneitii ejjanahuemeequi'yojji ba'ejo, queamimishitii poanijo pea-ai Quito mano'yapoa ojjaña ese mimishijo. Eyacuiñajjiya o mano'yojji epojja apoa amajje oya Quito manomeeca'yapoa.

Eyacuiñajjiya eseya bacani eseja mimishima'yo Jesosaja ena' o mano'yajo cuayaqui'yapoajojoya. Jamajjeya e'ejojonei Quitohua eseya nahuecaje'yo Eyacuiñajjija queaneeneetii epomee'yojjijo ma quijjenei ohua acaje'yojo.

Jama poanijje pea-ai ba'a: Oenei dejja shajjama' jayojja pocooapoajo ojjañacuana queamimishi epojji o jayojja pea-ai epojji pojeyocapoa. Oya jayojjaya oenei dejja Jesosa Quito Eyacuiñajjija esohuijo jjashajja-ajjaquiapoajo queahuisocuana oja mimishima'yo bacaje Eyacuiñajjiya.

Mahuisoneijotii pojjeama eseya queabihui poani. Eseya queabihuinee jjabaquiani Eyacuiñajjijo. Ohuaya jjeya eseya bacani ojaya epeejji. Emeshimesenei Jesosa Quitojo oya jjabeiqui'yonaje esenijje, jamatii pojjeama.