Obľúbené biblické verše z လံာ်မးသဲ 19

ယ့ၣ်ၡူးကွၢ်အဝဲသ့ၣ်လိၤလိၤဒီးစံး, “လၢပှၤကညီအဂီၢ်တၢ်အံၤမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်လၢကစၢ်ယွၤအဂီၢ်န့ၣ်တၢ်ခဲလၢာ်မၤအသးသ့ဝဲလီၤ.”

မၤသးဒ်န့ၣ်ဒီး, အဝဲသ့ၣ်တမ့ၢ်လၢၤပှၤခံဂၤဘၣ်, မ့ၢ်တသွံၣ်ဃီတညၣ်ဃီလီၤ. လၢတၢ်န့ၣ်အဃိ, တၢ်လၢကစၢ်ယွၤပာ်ဃုာ်ဝဲန့ၣ်, မ်ပှၤကညီသုတထုးဖှၣ်တဂ့ၤ.”

ယ့ၣ်ၡူးစံးဆၢဝဲ, “ပှၤလၢအတ့လီၤပှၤကညီလၢအခီၣ်ထံးလံၤလံၤန့ၣ်, တ့လီၤအီၤပိာ်ခွါဒီးပိာ်မုၣ်န့ၣ်, မ့ၢ်သုတဖးဘၣ်ဘၣ်ဧါ. ဒီးကစၢ်ယွၤစံးဝဲ, ‘လၢတၢ်န့ၣ်အဃိ, ပိာ်ခွါကဟးသဒၣ်ကွံာ်အမိၢ်ဒီးအပၢ်, ဒီးကဘျုးအသးဒီးအမါ, ဒီးတၢ်လၢပှၤခံဂၤန့ၣ်ကကဲထီၣ်တၢ်တသွံၣ်ဃီတညၣ်ဃီလီၤ’ (ကဲထီၣ်. ၂:၂၄).

ယ့ၣ်ၡူးစံးဝဲ, “ပျဲဖိသၣ်တဖၣ်န့ၣ်ဟဲဆူယအိၣ်တက့ၢ်. ဒီးတြီအီၤ တဂ့ၤ. အဂ့ၢ်ဒ်အံၤ မူခိၣ်အဘီအမုၢ်ဘၣ်ဃးဒီးပှၤဒ်ဖိသၣ်တဖၣ်အံၤ အသိးန့ၣ်လီၤ.”

ဘၣ်ဆၣ်ဒီး, ပှၤအိၣ်ဝဲလၢညါကတၢၢ်ခဲအံၤအါဂၤ, ကအိၣ်က့ၤလၢခံကတၢၢ်, ဒီးပှၤအိၣ်လၢခံကတၢၢ်ခဲအံၤအါဂၤ, ကအိၣ်က့ၤလၢညါကတၢၢ်လီၤ.

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

ယ့ၣ်ၡူးစံးဆၢအီၤ, “ဘၣ်မနုၤလၢနသံကွၢ်ယၤဘၣ်ဃးဒီးတၢ်ဂ့ၤန့ၣ်လဲၣ်. ပှၤအဂ့ၤအိၣ်ဒၣ်ထဲယွၤတဂၤဧိၤလီၤ. နမ့ၢ်အဲၣ်ဒိးလဲၤနုာ်လီၤဆူတၢ်မူအထူအယိာ်အပူၤဒီး, တိၢ်န့ၢ်တၢ်မၤလိာ်တဖၣ်န့ၣ်တက့ၢ်.”

ယစံးဘၣ်ကဒီးသု, ကီၤလၤအူးတဒုဝၣ်ဖျိထးအမဲၢ်ခံန့ၣ်, ညီဒိၣ်န့ၢ်ဒံးပှၤထူးပှၤတီၤတဂၤကလဲၤနုာ်ဆူမူခိၣ်ဘီမုၢ် အပူၤတက့ၢ်လီၤ.”

ဒီးယစံးဘၣ်သု, ပှၤတဂၤလၢ်လၢ်လၢအပာ်မၢ်ကွံာ်အမါလၢ အတမ့ၢ်ဘၣ်တၢ်အဲၣ်ဘၢဝၤအဃိ, ဝံၤအိၣ်ဃုာ်ဒီးပိာ်မုၣ်အဂၤတဂၤန့ၣ်, မ့ၢ်ပှၤလၢအအဲၣ်ဘၢအမါလီၤ. (ဒီးပှၤလၢအအိၣ်ဃုာ်ဒီးပိာ်မုၣ် လၢအဘၣ်တၢ်ပာ်မၢ်ကွံာ်အီၤန့ၣ်မၤကမၣ်ပှၤအမါလီၤ.)”

တုၤနုၤတစု, ယ့ၣ်ၡူးစံးဘၣ်အပျဲၢ်အဘီၣ်တဖၣ်, “နာ်ယၤတက့ၢ်. ယစံးဘၣ်သု, ပှၤထူးပှၤတီၤကလဲၤနုာ်ဆူမူခိၣ်အဘီအမုၢ်ပူၤန့ၣ်, မ့ၢ်တၢ်ကီဒိၣ်မးလီၤ.