Obľúbené biblické verše z မၤတၢ် 5

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.

ဒီးကိးနံၤဒဲးလၢတၢ်လုၢ်ဟံၣ်ပူၤဒီးလၢဟံၣ်တဖၣ်အပူၤစ့ၢ်ကီးန့ၣ်, အဝဲသ့ၣ်သိၣ်လီၤသီလီၤဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ခရံာ်, ဒီးတဆိတ့ၢ်ဝဲနီတစုဘၣ်န့ၣ်လီၤ.

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်. တချုးနဆါကွံာ်ဒံး နစုလီၢ်ခီၣ်ခိၣ်ဘၣ်န့ၣ်, မ့ၢ်နတၢ်ဒၣ်နဲတမ့ၢ်ဘၣ်ဧါ. ဒီးတုၤနဆါကွံာ်ဝံၤဒီး, စ့လၢနန့ၢ်ဘၣ်န့ၣ်မ့ၢ်နတၢ်ဒၣ်နဲလီၤ. သတးဒီးဘၣ်မနုၤနပာ်လီၤနသးလၢ နကမၤတၢ်ဒ်သိးအံၤတမံၤန့ၣ်လဲၣ်. တမ့ၢ်နလီန့ၢ်ပှၤကညီအတၢ်ဘၣ်, မ့မ့ၢ်နလီန့ၢ်ကစၢ်ယွၤအတၢ်တခီလီၤ.” တုၤစီၤအနၤနံနၢ်ဟူဘၣ်တၢ်အံၤဒီးတဘျီဃီလီၤဃံၤသံဝဲဒၣ်လီၤ. ဒီးပှၤခဲလၢာ်လၢအနၢ်ဟူဘၣ်တၢ်ဂ့ၢ်အံၤပျံၤတၢ်ဒိၣ်ဒိၣ်ကလဲာ်လီၤ.

လၢတၢ်န့ၣ်အဃိ, ဘၣ်ဃးဒီးတၢ်ဂ့ၢ်ကဲထီၣ်အသးခဲကနံၣ်အံၤန့ၣ်, ယအဲၣ်ဒိးစံးဘၣ်သုဒ်သိးအံၤလီၤ. တဘၣ်မၤအဝဲသ့ၣ်လၢတၢ်နီတမံၤ တဂ့ၤ. ပျဲအဝဲသ့ၣ်အိၣ်ဒၣ်အတၢ်တက့ၢ်. အဂ့ၢ်ဒ်လဲၣ်န့ၣ်, အဝဲသ့ၣ်အတၢ်ကူၣ်တၢ်ဖး, အတၢ်ဖံးတၢ်မၤမ့မ့ၢ်တၢ်ဟဲလၢပှၤကညီဒီး, ကဟးဂီၤကွံာ်ဝဲဒၣ်လီၤ. ဘၣ်ဆၣ်ဒီး, မ့မ့ၢ်တၢ်ဟဲလၢကစၢ်ယွၤဒီး, သုမၤနၢၤမၤဃၣ်ကွံာ်အဝဲသ့ၣ်တမ့ၢ်လၢအကသ့ဘၣ်. သုကထံၣ်ဒၣ်လဲာ်လၢသုထီဒါဘၣ်ကစၢ်ယွၤန့ၣ်လီၤ.” ကီၣ်ကးတဖုန့ၣ်မၤဝဲဒ်စီၤကမၤလ့လးဟ့ၣ်ကူၣ်ဟ့ၣ်ဖးဝဲ အသိးန့ၣ်လီၤ.