Obľúbené biblické verše z Romanos 2

Jahara, la tꞌékara ijie̱ íso chojni, kjánchó jahara kja̱xin xi̱kaha ti ijie̱ tjásinra. ¿Á tjénka̱yáxinra kixin tsjachara tsinkehéra Díos ti ó sinchekjasótiara chꞌan ní? Díos la imá jína tja̱ko̱xi̱n kixin tjechóhen chꞌan, na̱xa̱ nínkakuanhñara chꞌan. A̱ndá jahara, ¿á kjo̱niehéra chꞌan kixin tiénxinhñara kixin imá tjua̱hára chꞌan ní? Xi̱kaha tjokahya nínkaon chꞌan kixin tjinkaon chꞌan kixin chrókui̱to̱héra ti nkehe jínahña tjénka̱yáxinra.

*Jahara tjénka̱yáxinra tjánchíára iji̱é íso chojni, kjánchó ti nkokón ti ijie̱ tjásinra, ¡la kohya nkehe tsjaxíra!, kixin ti tjéyára iji̱é íso chojni la tsjasótera kja̱xinra kixin jahara nkokón ti ijie̱ ichꞌera.

*kixin Díos la tꞌikon kixin kaín chojni la nkokón sínkí.

Jehya ti sin tihón ti ley ndá chóntahya sin iji̱é. Náhí. Ti sin nchexiteyá ti nkehe kꞌue̱to̱an Díos tsjìin ti ijie̱ chónta sin.

*Ti ña̱o a la Díos tsje̱nke̱he nkojnko chojni éxi ti ixra̱ kjuíchꞌe sin.

A̱ndá sinchekjasóte chꞌan kaín ti sin jínahña, tjinkakonhña kuitekaon ti nkehe chaxín, la a̱ntsí kóxríhi̱n sin ichꞌe sin ti nkehe jínahña.

Kjánchó jahara la imá icha a̱sánra, la tjinkákonhñara chrókui̱to̱héra ti nkehe nduáhya tjénka̱yáxinra. Méxra̱ a̱ntsí nchekꞌánkíra ti ijie̱ kuèntára tsjasótiaxínra ti ña̱o tsjixixín ti ó tsja̱ko̱xi̱n Díos kixin chaxín sinchekjasóte chꞌan chojni.