Sudije 6
6
O Izrael palem ćerol greh
1E Izraelcura palem lije te ćeren kova so si bilačhe ane jakha e GOSPODESE. Golese o GOSPOD dija len ane vasta e Midjancurenđe ke efta berš. 2O Midjan ćerdilo pozuralo taro Izrael, pa e Izraelcura ćerena pese skloništura ane bregura, ane pećine thaj ane skrovištura. 3Kana bi e Izraelcura sejina, odori bi avena e Midjancura, e Amalečanura thaj e narodura taro istok, thaj bi napadina len. 4Vazdena bi paše lende logori thaj bi uniština sa so sejisade sa dži i Gaza. Gijate ne bi ačhavena e Izraelcurenđe khanči so bi xana, ni e bakren, ni e guruven, ni e heren. 5Avena bi pe stokasa thaj pe šatorencar sar skakavcura – ni džanglja pe kobor isi manuša ni kobor kamile. Napadina bi ani phuv thaj bi uniština la. 6E Midjancura ande e Izraelcuren dži o čororipe, golese e Izraelcura lije te roven premalo GOSPOD.
7Kana e Izraelcura lije te roven premalo GOSPOD tare Midjancura, 8o GOSPOD bičhalda lenđe proroko, savo phenda lenđe: “Gija vaćarol tumenđe o GOSPOD, o Dol e Izraeleso: Ikaldem tumen andaro Egipat, andaro ćher taro ropstvo. 9Ikaldem tumen andare vasta e Egipćanurenđe thaj andare vasta savorenđe save ćerde tumenđe bilačhipe. Tradijem len angle tumende thaj dijem tumen lenđi phuv. 10Vaćardem tumenđe: ‘Me sem o GOSPOD, tumaro Dol. Ma služin e Amorejcurenđe devlen ani phuv ane kasi bešen. Al tumen ni šunden man.’”
O Gedeon
11O anđelo e GOSPODESO avilo thaj bešlo ani Ofra talo jekh hrast, savo sasa e Joašeso, e potomkoso e Aviezereso. Odori e Joašeso čhavo o Gedeon marola o điv tari pleva te bi čistila le ani presa baši mol, golese so manglja te garavol le tare Midjancura.
12O anđelo e GOSPODESO sikadilo e Gedeonese thaj phenda lese: “O GOSPOD tusa, zuraleja junakona.”
13A o Gedeon odgovorisada lese: “Oprosti manđe, gospodarona, te si o GOSPOD amencar, sose sa kava arakhlja amen? Kaj si sa kola čudura savendar phende amenđe amare paradada? Von vaćarena: ‘O GOSPOD ikalda amen andaro Egipat.’ Al akana o GOSPOD mukhlja amen thaj dija amen ane vasta e Midjancurenđe.”
14O GOSPOD irisajlo premale leste thaj phenda lese: “Dža gole ćire zuralimasa thaj ikal o Izrael andare vasta e Midjancurenđe. Me bičhalav tut!”
15O Gedeon phenda: “Oprosti manđe, gospodarona, sar te ikalav o Izrael? Mingri familija si emslabo ane Manasijaso pleme, a me sem emterno ano ćher me dadeso.”
16O GOSPOD phenda: “Me ka avav tusa, pa ka pobedi e Midjancuren sar jekhe manuše.”
17O Gedeon phenda lese: “Te arakhljem akana milost ane ćire jakha, de ma znako kaj čače tu vaćare mancar. 18Moliv tut, ma dža akatar dži kaj ni iriv man. Me ka anav tuće daro thaj ka čhuvav le angle tute.”
O GOSPOD phenda: “Ka ađućarav tut kate dži kaj ni ave.”
19O Gedeon đelo ano ćher, ćirada e buzore thaj peklja bikvasacoso mangro tare deš (10) kila aro. O mas čhuta ani korpa, a i zumi čhorda ano lonco, pa ikalda sa gova avri thaj anda lese talo kova hrast.
20O anđelo e Devleso phenda: “Le o mas thaj e bikvascose mangre, čhuv ko bar, a i zumi čhor odupral.”
O Gedeon gija i ćerda.
21O anđelo e GOSPODESO pružisada pi rovli savi sasa lese ano va thaj pipisada o mas thaj e bikvascose mangre. Tegani andari stena iklili i jag thaj phabarda o mas thaj e bikvascose mangre. Pale gova o anđelo e GOSPODESO tari jekh drom hasajlo.
22Kana dikhlja o Gedeon kaj gova sasa o anđelo e GOSPODESO, dija vika: “O, GOSPODE, Devla! Dikhljem ćire anđelo muj mujesa!”
23Al o GOSPOD phenda lese: “Smiri tut. Ma dara, ni ka mere.”
24O Gedeon gothe vazdija žrtveniko e GOSPODESE thaj akharda le “O GOSPOD si o mir”. Gova žrtveniko ačhol dži avđive ani Ofra e Aviezeresi.
O Gedeon peravol e Vaaleso žrtveniko
25Goja rat o GOSPOD phenda e Gedeonese: “Će dadestar le jekhe thule guruve tare efta berš, pa perav o žrtveniko savo ćo dad vazdija e Vaalese, thaj čhin e Ašerako stubo savo si paše leste. 26Ko vrho gole bregoso ko propisime način vazde žrtveniko e GOSPODESE, ćire Devlese, thaj le kole thule guruve, pa an le sar phabardi žrtva, thaj phabar le pe kašta tare Ašerako stubo savo čhindan.”
27O Gedeon lija dešen tare pe sluge thaj ćerda sar so phenda lese o GOSPOD. Al sar darajlo pe familijatar thaj e manušendar tare gova foro, vov gova ćerda raćasa. 28Kana e manuša uštile theara rano ki sabalin, dikhlje kaj si e Vaaleso žrtveniko perado, e Ašerako stubo paše leste čhindo, a o thulo guruv phabardo ko nevo žrtveniko.
29E manuša pučlje jekh avere: “Ko kava ćerda?”
Kana raspučlje pe pošukar, vaćarde: “Gova ćerda o Gedeon, e Joašeso čhavo.”
30E manuša phende e Joašese: “Ikal će čhave. Vov mora te merol golese so perada e Vaaleso žrtveniko thaj čhinda e Ašerako stubo savo sasa paše leste.”
31Al o Joaš odgovorisada savorenđe save ačhena trujal leste: “Tumen li arakhljen te branin e Vaale? Tumen li manđen te spasin le? Dži jekh savo branil le, dži sabalje ka mudardol. Te si o Vaal čače dol, tegani ka šaj korkoro te branil pe kana khoni peravol leso žrtveniko.”
32Gija gova đive dije e Gedeone alav Jeruv-Vaal#6,32 Jeruv-Vaal So značil: “O Vaal nek branil pe korkoro.”, golese so si vaćardo: “Nek branil pe o Vaal kana khoni peravol leso žrtveniko.”
O Gedeon ćidol e vojska
33Sa e Midjancura, e Amalečanura thaj avera narodura taro istok ćidije pe katane, nakhle prekalo Jordan thaj ćerde logori ani dolina Jizreel. 34Tegani o Duxo e GOSPODESO ulilo po Gedeon thaj o Gedeon phurdija ano bakrano šing te akharol e Aviezercuren te džan lesa. 35Vov bičhalda glasnikuren ke sa e Manasijaso pleme thaj akharda len te aven pale leste. Gija ćerda i baše Asireso, Zavuloneso thaj e Neftalimeso pleme, pa i von avile premal leste upre te dićhen pe lesa.
36O Gedeon phenda e Devlese: “Obećisadan kaj ka spasi o Izrael prekal mande. 37Akh, me ka čhuvav i bakrani morčhi po gumno. Te isi rosa samo pi morčhi, a sa i phuv ačhol šući, tegani ka džanav kaj ka spasi o Izrael prekal mande, sar so obećisadan.”
38Gija i sasa. O Gedeon uštilo rano ki sabalin, ćićidija i morčhi thaj latar iklili i rosa – pherdo čaro paj.
39Tegani o Gedeon vaćarda e Devlese: “Ma te holjavo pe mande te vadži khanči mangljem tutar. Mukh man te probiv vadži jekh drom e morčhasa. Akana nek avol samo i morčhi šući, a i rosa nek učharol sa i phuv.”
40Thaj goja rat o Dol ćerda gija. Samo i morčhi sasa šući, a i rosa učharda sa i phuv.
දැනට තෝරාගෙන ඇත:
Sudije 6: GSP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න