ගණන් 11:18-20

“ජනතාවට මෙසේ කියන්න: ‘හෙට දවසට සූදානම් වෙමින්, පවිත්‍ර වන්න. ඔබට කෑමට මස් ලැබෙනු ඇත. “අනේ අපට මස් ටිකක්වත් කෑමට ලැබුණා නම්! ඊජිප්තුවේ අප මොන තරම් හොඳින් සිටියා ද!” කියමින් ඔබ හඬා වැටෙනු ස්වාමින්වහන්සේට ඇසිණි. දැන්, ස්වාමින්වහන්සේ ඔබට මස් දෙන සේක. ඔබ ඒවා අනුභව කරනු ඇත. ඔබ ඒවා අනුභව කරනු ඇත්තේ හුදෙක් දවසක්, දෙකක්, දින පහක්, දහයක් හෝ දින විස්සක් හෝ නො වේ. පුරා මසක් ම ඒවා ඔබේ නහයෙන් කටින් එන තෙක්, ඒවා ඔබට පිළිකුල් වන තෙක් ම කනු ඇත. මන්ද ඔබ අතරේ සිටින ස්වාමින්වහන්සේ ප්‍රතික්ෂේප කොට, “කුමක් නිසා අපි ඊජිප්තුව හැර ආවෙමු ද?” කියමින් උන්වහන්සේ ඉදිරියේ ඔබ හඬා වැලපුණු බැවිනි.’ ”