එසකියෙල් 45
45
ශුද්ධ පෙදෙස
1“ ‘උරුම කොටස් වශයෙන් දේශය ඔබ බෙදා වෙන් කර ගන්නා විට, ශුද්ධ පෙදෙසක් කොට දේශයෙන් කොටසක් ස්වාමින්වහන්සේට පිළිගැන්විය යුතු ය. දිගින් රියන් විසිපන්දහසක්#45:1 එනම් කිලෝමීටර් 13ක් පමණ. ද පළලින් රියන් විසිදහසක්#45:1 කිලෝමීටර් 11ක් පමණ. ද වන ඒ මුළු පෙදෙස ම ශුද්ධ වන්නේ ය. 2මෙයින් රියන් පන්සියයක#45:2 මීටර් 265ක් පමණ. සමචතුරස්‍රාකාර කොටසක් ශුද්ධස්ථානය පිණිස වන්නේ ය. ඒ වටා රියන් පනහක#45:2 මීටර් 27ක් පමණ. එළිමහන් බිමක් වන්නේ ය. 3මෙම ශුද්ධ පෙදෙසෙන් රියන් විසිපන්දහසක් දිග රියන් දස දහසක් පළල කොටසක් මැන, වෙන් කරන්න. එය අතිශුද්ධස්ථානයක් වන ශුද්ධස්ථානය පිණිස වන්නේ ය. 4ශුද්ධස්ථානයේ මෙහෙයයෙහි යෙදෙන්නාවූත්, ස්වාමින්වහන්සේ ඉදිරියෙහි මෙහෙ කිරීමට ළඟාවන්නාවූත් පූජකයින් සඳහා දේශයේ ශුද්ධ පෙදෙස එයයි. එය ඔවුන්ගේ වාසස්ථාන සඳහා පෙදෙසක් සේ ම, ශුද්ධස්ථානය සඳහා ශුද්ධ පෙදෙසක් ද වන්නේ ය. 5රියන් විසිපන්දහසක් දිග, රියන් දස දහසක් පළල තවත් කොටසක්, නගරවල වාසය පිණිස ගෘහ සේවයේ නියුතු ලෙවීයයන්ට උරුමයක් වශයෙන් හිමි වන්නේ ය.
6“ ‘ශුද්ධ පෙදෙසට යාව, රියන් පන්දහසක්#45:6 කිලෝමීටර් 2.7ක් පමණ. පළල, රියන් විසිපන්දහසක් දිග කොටසක් පුරවරයේ භුක්තිය වශයෙන් වෙන් කර, දිය යුතු ය. එය සමස්ත ඉශ්‍රායෙල් වංශයට ම අයිතිය.
7“ ‘ශුද්ධ පෙදෙසට හා පුරවර භුක්තියේ කොටසට මායිම් වූ දෙපසෙහි බිම් කොටසක් අධිපතියා සඳහා වන්නේ ය. එය බටහිර පැත්තෙන් බටහිර දෙසටත්, නැගෙනහිර පැත්තෙන් නැගෙනහිර දෙසටත් ගෝත්‍ර වංශික උරුම කොටසකට සමාන්තර ව බටහිර හා නැගෙනහිර සීමා දක්වා විහිද යේ. 8මෙම බිම් කොටස ඉශ්‍රායෙලය තුළ ඔහුගේ උරුම කොටස වන්නේ ය. මගේ අධිපතීන් තවදුරටත් මගේ ජනයාට පීඩා නො කරනවාත් හැර, ඉශ්‍රායෙල් වංශික ගෝත්‍ර ප්‍රකාරයට දේශය උරුම කර ගන්නට අවකාශ දෙනු ඇත.
9“ ‘පරමාධිපති ස්වාමින්වහන්සේ මෙසේ පවසන සේක: ඇති! ඇති! එම්බා ඉශ්‍රායෙල් අධිපතියනි, නුඹලාගේ සැහැසිකම් හා හිංසා නවතා, යුක්තියත්, සාධාරණත්වයත් කරනු. මගේ ජනයාගෙන් ගසාකෑම් නවතනුයි පරමාධිපති ස්වාමින්වහන්සේ ප්‍රකාශ කරන සේක. 10ඔබට නිවැරදි තරාදි තිබිය යුතු ය. නිවැරදි ඒෆා#45:10 ලීටර් 22ක් පමණ හා බාත්#45:10 ලීටර් 22ක් පමණ යන වශයෙන් නිවැරදි කිරුම්-මිනුම් තිබිය යුතු ය. 11ඒෆාවෙහි හා බාතයෙහි ප්‍රමාණය සමාන විය යුතු ය. බාතය හෝමෙර දසයෙන් කොටසකින් සමන්විත විය යුතු අතර, ඒෆාව ද හෝමෙර දසයෙන් කොටසකින් සමන්විත විය යුතු ය. ඒ දෙකට ම නියමිත ප්‍රමිති මිම්ම හෝමෙරය ය. 12ෂෙකෙලයට#45:12 ෂෙකෙල් 1ක් ග්‍රෑම් 12ක් පමණ වේ., ගේරා විස්සක් අඩංගු විය යුතු ය. ෂෙකෙල් විස්සක්, ධන-ෂෙකෙල විසිපහක් හා ධන ෂෙකෙල් පහළොවකින් මිනාවක්#45:12 මිනාවක් ෂෙකෙල් 60ක් වේ. සෑදේ.
13“ ‘ඔබ විසින් පිළිගැන්විය යුතු විශේෂ ත්‍යාග නම්; එක් එක් තිරිඟු හෝමෙරයකට ඒෆාවකින් හයෙන් කොටසක්#45:13 එනම් කිලෝග්‍රෑම් 2.7ක් පමණ. ද එක් එක් යව හෝමෙරයකට ඒෆාවකින් හයෙන් කොටසක් ද වශයෙනි. 14බාත්වලින් මනිනු ලබන නියමිත තෙල් පංගුව, එක් එක් කෝරයකට බාතයකින්#45:14 එනම් ලීටර් 2.2 පමණ. දසයෙන් කොටසකි. (කෝරයකට බාත් දහයක් හෝ හෝමෙරයක් අයත් ය. බාත් දහයක් හෝමෙරයකට සමාන ය.) 15තවද, ඉශ්‍රායෙල් සරු තණ බිම්හි දෙසියයක බැටළු රැළකින් එක් බැටළුවකු බැගින් ගත යුතු ය. ජනයාගේ පාප වන්දි නිවාරණය උදෙසා ධාන්‍ය පූජාවනට, දවන යාග පූජාවනට හා සහභාගීත්ව පූජාවනට උන් යොදා ගැනෙතැයි පරමාධිපති ස්වාමින්වහන්සේ ප්‍රකාශ කරන සේක. 16ඉශ්‍රායෙල් පාලකයා උදෙසා දේශයේ සියලු දෙනා මෙම විශේෂ ත්‍යාගය පිරිනැමිය යුතු ය. 17ඉශ්‍රායෙල් වංශයේ සම්මත මංගල්‍යයන්හි දී, නව සඳ දවස් හා සබත්හි දී දවන යාග පූජා, ධාන්‍ය පූජා හා පාන පූජා සැපයීම අධිපතියාගේ කාරිය ය. ඉශ්‍රායෙල් වංශය උදෙසා පාප වන්දි නිවාරණය සැලසීමට පාප පූජා ද ධාන්‍ය පූජා ද දවන යාග පූජා ද සහභාගීත්ව පූජා ද ඔහු සපයනු ඇත.
18“ ‘පරමාධිපති ස්වාමින්වහන්සේ මෙසේ පවසන සේක. පළමු මස, පළමු දින ඔබ කැළැල් රහිත ගව නාම්බකු ගෙන, ශුද්ධස්ථානය පවිත්‍ර කළ යුතු ය. 19පූජකයා පාප පූජාවේ ලේ ස්වල්පයක් ගෙන, ගෘහයේ උළුවහු කණුවල ද පූජාසනය ඉහළ ස්තරයේ සතර කොනේ ද ඇතුළු මළුවේ දොරටු කණුවල ද ගෑ යුතු ය. 20ප්‍රමාද දෝෂයකින් හෝ නො දැනුවත්කමින් හෝ පව් කරන කවරකු උදෙසා වුව, හත් වන දවසේ ද ඔබ ඒ දේ ම කළ යුතු ය. මෙසේ ඔබ ගෘහය උදෙසා පාප වන්දි නිවාරණය සැලසිය යුතු ය.
21“ ‘පළමු මස දහහතර වන දින ඔබ පාස්කුව පැවැත් විය යුතු ය. දින හතක මංගල්‍යයක් වන ඒ කාලය අතර තුර ඔබ අනුභව කළ යුත්තේ මුහුන් නුමුසු රොටි ය. 22ඒ දවසේදී අධිපතියා තමා උදෙසාත්, දේශයේ මුළු ජනතාව උදෙසාත් පාප පූජාවක් කොට ගවයකු සැපයිය යුතු ය. 23මංගල්‍යයේ දවස් හතේ ම ස්වාමින්වහන්සේට දවන යාග පූජාවක් වශයෙන්, ඔහු කැළැල් රහිත ගවයින් හත්දෙනකු හා බැටළුවන් හත්දෙනකු ද පාප පූජාවක් වශයෙන් එළුවකු ද සැපයිය යුතු ය. 24තවද ඔහු ධාන්‍ය පූජාවක් වශයෙන් එක් එක් ගවයා සමඟ ධාන්‍ය ඒෆාවක් ද එක් එක් බැටළුවා සමඟ ධාන්‍ය ඒෆාවක් ද ඒ එක් එක් ධාන්‍ය ඒෆාව සමඟ තෙල් හිනක්#45:24 එනම් ලීටර් 3.8ක් පමණ. ද සැපයිය යුතු ය.
25“ ‘හත් වන මස පහළොස් වන දවසේ ඇරඹෙන දවස් හතක මංගල්‍යයේදී ඔහු පාප පූජා සඳහා ද දවන යාග පූජා සඳහා ද ධාන්‍ය පූජා සඳහා ද තෙල් සඳහා ද ඒ දෑම සැපයිය යුතු ය.
දැනට තෝරාගෙන ඇත:
එසකියෙල් 45: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.