Kor2 2
2
1Masɛ wɔ paǹ li, ma foo màn mɛn kũ, bɛ á ke: má pɛ máa ma a re wusii ma da ka li, ka foo-ziziɛ̃-n wa. 2A giala bɛ̀ má ka foo ziziɛ̃, die n die masɛ foo kɔɔ̃n koe doo? Ma kaa min mɛnɛn lɛn foo ziziɛ̃, bɛ̀ bɛn lɛn manɛ! 3Bɛ lɛ na á toa, má sɛ́wɔ lɛ dia ka la, ka ma bɛ́ má zɛnaa lɔn. Man ma ba li máa bɛ̀ má dɔ kaa piɛ, min mɛnɛn doamaa bɛ́ ǹ ma foo kɔɔ̃n kɔ, bɛn nə ma foo-ziziɛ̃lin baa wa. Má golee li taãnɛ, máa bɛ̀ má foo kɔɔ̃nbaa yɛ, ka dɔn tumaa a foo kɔɔ̃nbaa nɛ. 4Sonbore ne, má sɛ́wɔ dia ka foo-ziziɛ̃ nɛ, ka yiri-lɔlɔkɔn nɛ, ka yii mu gigiã nɛ. Kaa foo-ziziɛ̃ ǹ sii bie wa, sɛnɛ, ma bɛ́ ka narɛ taãn-taãn ka yɔrɔ mɛn nɛ, man máa ka bɛ dɔ̃.
Sii toa sã wole-n boo
5Bɛ̀ min foo-ziziɛ̃ ǹ sii zɛnaa, a bie masɛ dinsɔɔ̃ foo ziziɛ̃ wa, sɛnɛ, a n ka tumaa wɔ ziziɛ̃. Bɛ̀ a pɛ miɛ̃ kɛ la yii ni, a n ka tɛnɛn wɔ ziziɛ̃ sɛn. 6Kaa min gigiã bɛ́ á dɔlɔ bɔ bɛa min lɛ ganaa, bɛ́ á boe. 7Bɛ lɛ nɛ sisia, ka bǐɛ̃ kɔ ka a sii toa nɛ, ka a foo taã, ń giɛ foo-ziziɛ̃ gole nyan saa a bɔ a yiri la wa. 8Bɛ lɛ a lɛa, masɛ bɛ́ màn mɛn li, man máa ka sii zɛnaa a wɔ paǹ li, màn mɛn bɛ́ toɛ, a dɔ̃ ma ka tá asɛ narɛ. 9A giala, ma sɛ́wɔ mɛn dia ka la, a mìi n ke: man má zɔɔ̃ li máa man da ka gɔ́ɔ̃ li, ma dɔ̃ bɛ ka á tɔn ma lɛ sii ka sii tumaa nɛ. 10Bɛ̀ ka min a sã ǹ sii toa nɛ, masɛ dɔ n toɛ ǹ dɛnaa nɛ. A giala, bɛ̀ sii tan má n kɔnboe ma toa, man toɛ ka dinin lɛa *Krita yɔrɔ-a, 11màn mɛn bɛ́ toɛ, *Sɛtaan nyan boo wɔ la wa. A giala, wɔ tá a nya ǹ dí doɛ̃.
Pooli nə n gɔ́ɔ̃ bii ka sii mɛn nɛ Troasi
12 #
NDS 20.1
Má dɔ Troasi kiwi kəni, má n die Krita a Boo Tii Kɔɔ̃n kɛ laakalɛɛ walan. Dɛnaa din zii bũ ma nɛ foaãnɛ. 13Sɛnɛ, ma gɔ́ɔ̃ goã bii ni, a giala, ma wo ma dɔɔ̃n Tiiti yaa wa. Bɛ lɛ na á toa, má zii nyankɔ Troasi minin la, má kiɛ̃ má woo Masedoanɛ gána nɛ.
Gɔ̀lɔ̀baa mɛn bɛ́ Yezu Krita wɔ lɛa
14Barka tá Lawa ganaa! A giala, a din nə wɔ kiɛ kun ka Krita a gɔ̀lɔ̀-baalin ni, wɔa tá kun ka Krita-n kɛ pàã ganaa. A n dí nyɛɛ ka wɔ nɛ, ń giɛ ǹ tá Krita doɛ̃ bǎã tumaa nɛ, ń giɛ dɔn Krita boo gìĩ kɔɔ̃n kɛ dɔ kaa bǎã tumaa nɛ. 15A bɛ́ miɛ̃, wɔ ǹ ka nyɔɔ gìĩ kɔɔ̃n bɛ́ lɔn, Krita n koe Lawa la *wúlu màn lɛa. Wɔ ǹ bɛ lɛ lɛa kirisibaalin laanka papaã wolen dɔn yii li. 16Papaã wolen yii li, gìĩ kɛ lɛ n gɛ̀ gìĩ lɛa, a n gɛ̀ dii; kirisibaalin yii li, a n yiikoonaabaa gìĩ lɛa, a n yiikoonaabaa koe. Die n boe la a bɛa dí kɛ miã nya? 17Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.
දැනට තෝරාගෙන ඇත:
Kor2 2: SBPE2011
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.