හිතෝපදේශ 26වෙතින් ජනප්‍රිය බයිබල් පද

බෙදාගන්න

අඥානයාගේ මෝඩකමට අනුව උත්තර නො දෙන්න; නැතහොත් ඔබත්, ඔහු හා සමාන වනු ඇත. අඥානයාගේ මෝඩකමට සරිලන සේ උත්තර දෙන්න; නැතහොත් තමාත් නැණවතෙකැයි ඔහුට පෙනී යා හැක.

බල්ලා, ඌ වමනය කළ දේට ම ආපසු හැරී යන්නාක් මෙන්, අඥානයා යළි යළිත් එක ම මෝඩකම කරන්නේ ය.

දර නැති වන විට ගින්න නිවෙයි; කේලම් කියන්නෙක් නොමැති විට ගැටුම් සංසිඳේ.

යමෙක් වළක් හාරන්නේ නම් ඔහු ම එහි වැටෙනු ඇත. යමෙක් ගලක් පෙරළන්නේ නම්, එය ඔහු පිටට ම පෙරළේ.

තමා ප්‍රඥාවන්තයෙකැයි සිතා සිටින කෙනකු ඔබ දන්නවා ද? ඔහුට වඩා වැඩි බලාපොරොත්තුවක් අඥානයකුට ඇත.

මඟදී අනුන්ගේ ගැටුමකට මැදිහත්වන්නා, පාරේ යන බල්ලකු උගේ කන්වලින් අල්ලා ගත්තා වැනි ය.