හිතෝපදේශ 12වෙතින් ජනප්‍රිය බයිබල් පද

බෙදාගන්න

තැවුල් හදවත මිනිසකු එම බරින් නම්මවයි. එහෙත් කාරුණික වදනක් ඔහුගේ සිත සොම්නස් කරයි.

ශික්ෂණයට ප්‍රේමවන්නා දැනුමට ප්‍රේම කරයි; නිවැරදිවීමට වෛරවන්නා මෝඩයෙකි.

නො සැලකිලිමත් වචන කඩු පහරක් මෙන් ඇනෙයි; එහෙත් ප්‍රඥාවත් අයගේ දිව, සුවය ගෙනේ.

අඥානයකුට තමාගේ මාර්ගය හරියයි පෙනේ; එහෙත් නැණවතා අවවාදයට කන් දෙයි.

අඥානයා තම නොරිස්සුම එවෙලේම පෙන්වයි; එහෙත් බුද්ධිමතා නිග්‍රහ ගණන් නො ගනී.

ගුණ යහපත් බිරිඳ ඇගේ සැමියාගේ ඔටුන්න ය; එහෙත් නින්දා සහගත බිරිඳ ඔහුගේ ඇටකටු දිරා-යෑමක් බඳු ය.

බොරුකාර තොල් ස්වාමින්වහන්සේට පිළිකුල් ය; එහෙත් සත්‍යවාදී මිනිසුන් ගැන උන්වහන්සේ ප්‍රමෝද වන සේක.

ධර්මිෂ්ඨ මිනිසා, තම අසල්වැසියාට මග පෙන්වන්නෙකි; එහෙත් දුෂ්ටයාගේ මාර්ගය ඔහු මංමුළා කරවයි.

සත්‍යයේ තොල් සදා පවතී; එහෙත් බොරු කියන දිව පවතින්නේ ඇසිල්ලකට පමණි.