ද්විතීය 16වෙතින් ජනප්‍රිය බයිබල් පද

බෙදාගන්න

ඔබේ දෙවියන්වහන්සේ වන ස්වාමින්වහන්සේ ඔබට ආශිර්වාද කර ඇති ප්‍රමාණානුකූල ව හැම කෙනෙක් ම තුටු පඬුරක් ගෙන ආ යුතු ය.

යුක්තිය, අයුක්තියට නො හරවන්න. පක්ෂග්‍රාහී නො වන්න. අල්ලස් නො ගන්න. මන්ද අල්ලස, නැණවතුන්ගේ ඇස් අන්ධ කර, දමිටුන්ගේ වචන කණපිට පෙරළවයි.

අවුරුද්දකට තුන් වතාවක් ඔබේ සියලු පිරිමින්, ඔබේ දෙවියන්වහන්සේ වන ස්වාමින්වහන්සේ තෝරා ගන්නා ස්ථානයෙහි උන්වහන්සේ ඉදිරියේ පෙනී සිටිය යුතු ය. ඒ, මුහුන් නුමුසු රොටි මංගල්‍යයේදී, සති මංගල්‍යයේදී හා කූඩාරම් මංගල්‍යයේදී ය. කිසිවකු හෝ ස්වාමින්වහන්සේ ඉදිරියට හිස් අතින් නො පැමිණිය යුතු ය.

ඔබ ජීවත් වී, ඔබේ දෙවියන්වහන්සේ වන ස්වාමින්වහන්සේ ඔබට දෙන දේශය උරුම කර ගන්නා පිණිස, යුක්තිය ඉටු කරන්න; යුක්තිය පමණක් ම අනුගමන කරන්න.