Yuhanna Nastuki
Nastuki
Linjiila ka'a feerotiri bee Linjiilaaji goɗɗi. Ngam Yuhanna binnduɗo ka woni pukaraajo ɓadiiɗo Yeesu masin. O ceedoowo kuuje ɗe Yeesu waɗi, o yi'i ɗe bee gite maako. O winndi kuuje goɗɗe ɗe tawataake nder Linjiila fodde Matta e Markus e Luka. Yuhanna holli Yeesu o Wolde Allah duumiinde mo “laati neɗɗo marɗo ɓanndu, o jooɗi caka meeɗen” (1:14). Haa fasluwol 20, aaya 31, Yuhanna anndini tiitorde deftere nde'e bee wi'ugo ko winnda nder maare “winndaama ngam haa on nuɗɗina Yeesu woni Almasiihu, Ɓiɗɗo Allah, ngam on keɓra ngeendam nder innde maako bee nuɗɗingo mo.”
Nde ɗuuɗɗum Yeesu wi'i “Min woni” nder Linjiila ka'a: Min woni nyaamdu hokkanndu ngeendam (6:35), min woni gaynaako booɗɗo (10:14), min woni laawol e gooŋga e ngeendam (14:6), min woni inabohi gooŋgaahi (15:1) … Ɗum seedi fakat o Allah, ngam innde Jawmiraawo ɗum “Min woni mo ngonmi” (Gurt 3:14).
Yeɓre arannde (1—12) ɗon holla kaayeefiiji feere feereeji baŋginanɗi Yeesu woni kisnoowo iinaaɗo, o Ɓiɗɗo Allah. Woɗɓe nuɗɗini Yeesu, laati pukara'en maako, woɗɓe boo ndartani mo, cali nuɗɗingo mo. Nder fasluuji 13 haa 17, en njaŋngan haala kawtal Yeesu bee pukara'en muuɗum nder jemmaare nde sooje'en ngari naŋngugo mo. Yeesu wolwi bolle ɗuuɗɗe ngam o taaskitina ɓe, o semmbiɗina ɓe hiddeko o maaya. Fasluuji ragareeji ɗon anndina en no ɓe naŋngiri Yeesu, no ɓe kiitori mo kiita maayde haa gaafaaŋgal, non boo no o ummitori, no pukara'en maako ngi'ri mo o geeto.
Tokkindirki haalaaji:
Fuɗɗoode 1:1-18
Yuhanna baɗoowo baptisma bee pukara'en Yeesu aartuɓe 1:19-51
Kaayeefiiji Yeesu e waazuuji mum 2—12
Bolle Yeesu ragareeje haa pukara'en muuɗum 13—17
Naŋngeeki e boneeji e maayde Yeesu18—19
Ummitineeki e baŋguki Jawmiraawo 20
Timmoode: Yeesu waŋgi fahin haa Galiili 21
Выбрано:
Yuhanna Nastuki: FBDC
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
DEFTERE ALLAH © Alliance Biblique du Cameroun, 1994.
Yuhanna Nastuki
Nastuki
Linjiila ka'a feerotiri bee Linjiilaaji goɗɗi. Ngam Yuhanna binnduɗo ka woni pukaraajo ɓadiiɗo Yeesu masin. O ceedoowo kuuje ɗe Yeesu waɗi, o yi'i ɗe bee gite maako. O winndi kuuje goɗɗe ɗe tawataake nder Linjiila fodde Matta e Markus e Luka. Yuhanna holli Yeesu o Wolde Allah duumiinde mo “laati neɗɗo marɗo ɓanndu, o jooɗi caka meeɗen” (1:14). Haa fasluwol 20, aaya 31, Yuhanna anndini tiitorde deftere nde'e bee wi'ugo ko winnda nder maare “winndaama ngam haa on nuɗɗina Yeesu woni Almasiihu, Ɓiɗɗo Allah, ngam on keɓra ngeendam nder innde maako bee nuɗɗingo mo.”
Nde ɗuuɗɗum Yeesu wi'i “Min woni” nder Linjiila ka'a: Min woni nyaamdu hokkanndu ngeendam (6:35), min woni gaynaako booɗɗo (10:14), min woni laawol e gooŋga e ngeendam (14:6), min woni inabohi gooŋgaahi (15:1) … Ɗum seedi fakat o Allah, ngam innde Jawmiraawo ɗum “Min woni mo ngonmi” (Gurt 3:14).
Yeɓre arannde (1—12) ɗon holla kaayeefiiji feere feereeji baŋginanɗi Yeesu woni kisnoowo iinaaɗo, o Ɓiɗɗo Allah. Woɗɓe nuɗɗini Yeesu, laati pukara'en maako, woɗɓe boo ndartani mo, cali nuɗɗingo mo. Nder fasluuji 13 haa 17, en njaŋngan haala kawtal Yeesu bee pukara'en muuɗum nder jemmaare nde sooje'en ngari naŋngugo mo. Yeesu wolwi bolle ɗuuɗɗe ngam o taaskitina ɓe, o semmbiɗina ɓe hiddeko o maaya. Fasluuji ragareeji ɗon anndina en no ɓe naŋngiri Yeesu, no ɓe kiitori mo kiita maayde haa gaafaaŋgal, non boo no o ummitori, no pukara'en maako ngi'ri mo o geeto.
Tokkindirki haalaaji:
Fuɗɗoode 1:1-18
Yuhanna baɗoowo baptisma bee pukara'en Yeesu aartuɓe 1:19-51
Kaayeefiiji Yeesu e waazuuji mum 2—12
Bolle Yeesu ragareeje haa pukara'en muuɗum 13—17
Naŋngeeki e boneeji e maayde Yeesu18—19
Ummitineeki e baŋguki Jawmiraawo 20
Timmoode: Yeesu waŋgi fahin haa Galiili 21
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
DEFTERE ALLAH © Alliance Biblique du Cameroun, 1994.